නිව් සවුත් වේල්ස් ප්‍රාන්තයේ කොවිඩ් 19 රෝග අවධානමක් පිළිබද සෞඛ්‍ය අංශ යළිත් අනතුරු ඇගවීමක් කර තිබෙනවා.
ඒ අනුව කොවිඩ් 19 විවිධ විකෘති ප්‍රභේදයන් තවදුරයත් ප්‍රජාව අතර පවතින බැවින් මුඛ ආවරණ පැලදීම, සමාජ දුරස්ථභාවය ඇතුලු සෞඛ්‍ය ආරක්ෂිත පියවර අනුගමනය කරන ලෙසයි සෞඛ්‍ය අංශ උපදෙස් ලබා දී ඇත්තේ.
උණ සහ සෙම්ප්‍රතිශ්‍යාව සහිත රෝගීන් හැකි තාක් නිවෙස් තුළ රැදීසිට අදාළ ප්‍රතිකාර සදහා යොමුවන ලෙස දැනුවත් කර තිබෙනවා.
මේ දින වල නිව් සවුත් වේල්ස් ප්‍රාන්ත ප්‍රජාව තුළ කොවිඩ් 19 රෝගීන් හදුනා ගැනීමේ ඉහළ අගයක් පෙන්නුම් කෙරෙනවා.
වයස්ගත මෙන්ම අඩු ප්‍රතිශක්තිකරණ පද්ධතියක් හිමි පුද්ගලයින් නිරතුරු සෞඛ්‍ය ආරක්ෂිත උපදෙස් අනුගමනය කිරිම මගින් ඇතිවිය හැකි අවධානම පාලනය කර ගත හැකි වනවා.
මේ අතර කොවිඩ් 19 අවදානම් සහිත කලාප ලෙස Northern Territory හි සියයට 45.1 වැඩි වීමක්ද බටහිර ඔස්ටේ්‍රලියානු කලාපයේ සියයට 43.7ක වැඩි වීමක්ද ලෙසයි සටහන්ව ඇත්තේ.
කෙසේ වෙතත් කොවිඩ් රෝගීන්ගේ සංඛ්‍යාව ඉහළ අගයක් ගැනුන ද මරණ සංඛ්‍යාවෙහි වර්ධනයක් පෙන්නුම් නොකරන බවයි සෞඛ්‍ය අංශ අනාවරණය කර ඇත්තේ.
