ඔස්ට්‍රේලියාව තුළදි අලෙවි කරන ලද ටොයොටා ක්ලූගර් වර්ගයේ වාහන 30,000 කට වැඩි සංඛ්‍යාවක් ආපසු කැඳවා තිබෙනවා.
2021 – 2023 වකවානුවේදී නිෂ්පාදනය කරන ලද වාහන මෙලෙස කැඳවා ඇත්තේ බම්පර් කවර් ආශ්‍රිත නිෂ්පාදන දෝෂයක් හේතුවෙනුයි.
(Kluger Hybrid AWD 2.5L, Kluger Petrol 2WD 2.4L, Kluger Petrol 2WD 3.5L, Kluger Petrol AWD 2.4L and Kluger Petrol AWD 3.5L)
වාහනය ධාවනය වෙමින් පවතින අවස්ථාවක අදාළ කොටස ගැලවී යාමට ඇති අවධානමත් සමග රිය අනතුරකට ලක්වීමේ ඉහළ අවධානම මීට බලපා තිබෙනවා.
බලපෑමට යටත්ව ඇති වාහන කාණ්ඩ සහිත පුද්ගලයන්ට ටොයොටා සමාගම විසින් මේ පිළිබඳව ලිඛිතව දන්වා ඇති අතර අදාළ දෝෂ නොමිළයේ යථා තත්වයට පත්කරගැනීමටද අවස්ථාව ලබාදී ඇති බව සඳහන්.
එමෙන්ම 1800 987 366 දුරකථන අංකය අමතා ටොයොටා හදිසි ඇමතුම් අංශය සමග සම්බන්ධවීමටද අවස්ථාව පවතිනවා.
