ඔස්ට්‍රේලියාව තුළ ජල තටාක ආශ්‍රිතව කුඩා ළමුන්ට සිදුවන අනතුරු 03 ගුණයකින් ඉහළට

ඔස්ට්‍රේලියාව තුළදී ජල තටාක ආශ්‍රිතව කුඩා ළමුන්ට සිදුවන අනතුරු සංඛ්‍යාව 03 ගුණයකින් ඉහළ ගොස් ඇති බව නවතම සමීක්ෂණයකින් හෙළිව තිබෙනවා.

විශේෂයෙන් වයස අවුරුදු 05 ට අඩු දරුවන් මින් වැඩි අවදානමකට ලක්ව ඇති අතර දෙමාපියන් මේ පිළිබද අවධානයෙන් පසුවන ලෙසයි ජීවිතාරක්ෂක අංශ උපදෙස් දී ඇත්තේ.

ඒ අනුව පසුගිය වසර 20 ක කාලසීමාව තුළ වයස අවුරුදු 05 ට අඩු කුඩා ළමුන් 549 ක් තටාක ආශ්‍රිත දියේ ගිලීම් හේතුවෙන් මිය ගොස් ඇති අතර ඉන් මරණ 222 ක් වයස අවුරුදු 01 ට අඩු දරුවන් වීම විශේෂත්වයක්.

මෙලෙස මියගිය ළමුන් අතුරින් 89 දෙනෙකු නිවෙස් තුළ පිහිටි අනාරක්ෂිත තටාක වලට වැටී මියගොස් ඇති බවයි වාර්තා වන්නේ.

විශේෂයෙන් නිවස ආශ්‍රිත අනාරක්ෂිත තටාක ඉදිකිරීම හා දෙමාපියන්ගේ නොසැලකිලිමත්කම හේතුවෙන් කුඩා ළමුන්ගේ ජීවිත තර්ජනයට ලක්ව ඇති බවයි රාජකීය ජීවිතාරක්ෂක අංශය පවසන්නේ.

ග්‍රීෂ්ම සෘතුව යෙදී ඇති දෙසැම්බර් මස සිට පෙබරවාරි මස දක්වා කාල සීමාව තටාක ආශ්‍රිත අනතුරු වැඩිම කාලවකවානුව ලෙස නම් කර ඇති අතර එම වකවානුවේදී අදාළ අනතුරු සංඛ්‍යාව සෙසු මාසවලට සාපේක්ෂව සියයට 40 කින් පමණ ඉහළ අගයක පවතින බවටයි හඳුනාගෙන ඇත්තේ.

දියේ ගිලීම් හේතුවෙන් සෑම වසරකම වයස 05 ට අඩු ළමුන් සාමාන්‍යයෙන් 27 දෙනෙකු පමණ ජීවිතක්ෂයට පත්වන අතර අනතුරු අවම කිරීම සම්බන්ධයෙන් දෙමාපියන් දැනුවත් කිරීමේ වැඩසටහන් නිරතුරු ක්‍රියාත්මක කිරීමට රාජකීය ජිවිතාරක්ෂක අංශ කටයුතු කර තිබෙනවා.

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »

සංක්‍රමණිකයන්ගේ බවට සැක කෙරෙන මළ සිරුරු දෙකක් හමුවෙයි

නිව් සවුත්වේල්ස් ප්‍රාන්තයේ කන්ටේනරයක තිබී පුද්ගල මළ සිරුරු දෙකක් සොයා ගැනීමෙන් පසු පොලිසිය විශේෂ පරීක්ෂණයක් ආරම්භ කර තිබෙනවා.

Read More »

Qantas සමාගමේ ගුවන් ගමන්වල වෙනසක්

මැදපෙරදිග ඇතැම් ප්‍රදේශවලට පියාසර කිරීම වළක්වා ගැනීම සඳහා පර්ත් සහ ලන්ඩන් අතර ඍජු ගුවන් ගමන් මාර්ගය යළි ආරම්භ කිරීමට ක්වන්ටාස් සමාගම සැලසුම් කර තිබෙනවා.

Read More »