පැය 12 කට වැඩි කාලයක් පැවති ඔප්ටස් සන්නිවේදන සේවා බිඳවැටීම සම්බන්ධයෙන් විමර්ශනයක් ආරම්භ කිරීමට ෆෙඩරල් රජය තීරණය කර තිබෙනවා.
සන්නිවේදන කටයුතු ඇමතිනී මිචෙල් රෝලන්ඩ් සඳහන් කලේ මෙතරම් දීර්ඝ කාලයක් යනතුරු සේවා යථා තත්වයට පත් කිරීමට නොහැකිවූයේ ඇයිද යන්න පිළිබඳ එහිදී විමසා බලන බවයි.
එමෙන්ම අගතියට පත් පාරිභෝගිකයන්ට වන්දි ලබාදීමට ඇති හැකියාව සම්බන්ධයෙන්ද සොයා බලමින් සිටින බව ඇය වැඩිදුරටත් කියාසිටියා.
මේ අතර ඔස්ටේ්‍රලියානු විද්‍යුත් සහ සන්නිවේදන අධිකාරිය විසින්ද මෙම සිදුවීමට අදාළව වෙනම විමර්ශනයක් ආරම්භ කර තිබෙනවා.
බිඳවැටීම පැවති කාලසීමාවේදී ඔප්ටස් ස්ථාවර දුරකථන හරහා 0-0-0 හෙවත් ට්‍රිපල් සීරෝ ඇමතීමට නොහැකිවිම පිළිබඳවයි එහිදී අවධානය යොමු කෙරෙන්නේ.
මෙම සියලු විමර්ශන සඳහා පූර්ණ සහයෝගය ලබාදෙන බවයි ඔප්ටස් සමාගම දැනුම් දී ඇත්තේ.
