2021-22 මූල්‍ය වර්ෂයේදී මහා පරිමාණ සමාගම් 831 ක් විසින් කිසිදු බදු මුදලක් ගෙවා නොමැති බවට ඔස්ට්‍රේලියානු බදු කාර්යාලය විසින් අනාවරණය කරගෙන තිබෙනවා.
සමාගම් 2,713 ක මූල්‍ය වාර්තා සැළකිල්ලට ගැනීමෙන් අනතුරුවයි මෙම තොරතුරු හෙළීකරගෙන ඇත්තේ.
මින් බහුතරය පතල් කර්මාන්තය සහ බලශක්ති ක්ෂේත්‍රයට අදාළ සමාගම් බවටද හඳුනාගෙන තිබෙනවා.
විමර්ශනයට ලක්වු සමාගම් 2,713 න් 245 ක් විසින් පසුගිය මූල්‍ය වර්ෂයේදී ඩොලර් බිලියන 84 ක ආදායම් බදු ගෙවා ඇති අතර එය පෙර වසරට වඩා ඩොලර් බිලියන 15.2 ක හෙවත් සියයට 22 ක ඉහළයාමක් වනවා.
මේ අතුරින්ද බහුතරයක් පතල් කර්මාන්තයට සම්බන්ධ සමාගම් වීම විශේෂත්වයක්.
2022-23 වසරට අදාළව මහජනතාවගෙන් ලැබී ඇති බදු ආදායම ඩොලර් බිලියන 6.4 ක් වන අතර එය වාර්තාගත ආදායමක් බවයි ඔස්ට්‍රේලියානු බදු කාර්යාලය සඳහන් කලේ.
