ඔස්ට්‍රේලියානුවන්ගෙන් 80% කට වැඩි පිරිසක් ඉන්ධන හා බලශක්ති සහන ඉල්ලයි

ජීවන වියදම පාලනයට බලශක්ති මෙන්ම ඉන්ධන ගාස්තු සඳහා යම් සහනයක් ජනතාව ෆෙඩරල් රජයෙන් අපේක්ෂා කරන බව නවතම සමීක්ෂණයකින් හෙළිව තිබෙනවා.

මතවිමසුම සදහා සහභාගී වුවන් අතුරින් බහුතරයක්ම සදහන් කර ඇත්තේ බැංකු පොලී අනුපාතික ඉහළ යෑමත් සමග ජීවන වියදම ලිහිල් කිරීම සඳහා රජය කඩිනම් වැඩපිලිවෙලක් නිර්මාණය කිරීම වඩාත් සුදුසු බවයි.

ජීවන වියදම පාලනය සඳහා විසඳුම් අවශ්‍ය ක්ශේත්‍ර පිළිබද සඳහන් කරමින් සියයට 84 කට වැඩි පිරිසක් කියා සිටියේ බලශක්ති බිල්පත් පාලනය අත්‍යවශය බවයි.

මේ අතර සියයට 81 කට වැඩි පිරිසක් සඳහන් කර ඇත්තේ ඉන්ධන මිල පාලනය සදහා යම් සහනයක් ලබා දීමට රජය මැදිහත්විය යුතු අතර සියයට 77 ක් පවසා ඇත්තේ රජයේ වියදම් කපා හැරීම මගින් උද්ධමනය පාලනය කල හැකි බවයි.

මත විමසුම සදහා පුද්ගලයින් 1220 දෙනෙකු සහභාගී වු අතර ඉන් සියයට 53 ක් කියාසිටියේ අඩු ආදායම්ලාභි පවුල් ඒකක සදහා මූල්‍ය ආධාර ලබා දීමට රජය කටයුතු කිරීම වැදගත් බවයි.

බදු වියදම් යම්තාක් දුරට අඩු කරමින් පුද්ගල ජීවන වියදම පාලනය සඳහා රජය කැපවිය යුතු බවට ද යෝජනා ඉදිරිපත්ව තිබුණා.

මෙල්බන් කැළඹූ ගින්න ගැන වෙනස්ම කතාවක්

මෙල්බන් ඩෙරිමට් (Derrimut) ප්‍රදේශයේ දැවැන්ත කර්මාන්ත ශාලාවේ ගින්න වඩාත් දරුණු වීමට හේතුව ගිනි නිවන උපකරණවල අසාර්ථකත්වය බව ගිනි නිවීම් කාර්ය මණ්ඩලය පවසනවා.

Read More »

ශ්‍රී ලාංකිකයන්ට වෙනස් අත්දැකීමක් දෙන්න 𝐌𝐑. 𝐏𝐑𝐄𝐒𝐈𝐃𝐄𝐍𝐓 මෙල්බන්වලට

ඔස්ට්‍රේලියාවේ පැවැත්වෙන විවිධ ප්‍රාසාංගික ඉසව් සිය ගණනක් අතුරින් මෙල්බන් සිටින ශ්‍රී ලාංකිකයන්ට වෙනස්ම අත්දැකීමක් ලබා ගත හැකි වේදිකා නාට්‍යයක් නැරඹීමේ අවස්ථාවක් උදාවී තිබෙනවා.

Read More »

කොකේන් භාවිත කර රිය පදවන්නන්ට ඔස්ට්‍රේලියාවේ ප්‍රාන්තයක නීති තද වෙයි

ලබන වසරේ සිට රියදුරන් සඳහා සිදුකරන අහඹු මාර්ග පරීක්ෂාවලදී කොකේන් භාවිත කර ඇති දැයි පරීක්ෂා කිරීමටද දකුණු ඔස්ට්‍රේලියා ප්‍රාන්ත පොලිසිය සැළසුම් කර තිබෙනවා.

Read More »