රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40,000 ක් බැගින් වන ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.
ඒ අනුව 2024 වසරේ දී අදාළ සුදුසුකම් සහිත අධ්‍යාපනවේදී උපාධි අපේක්ෂකයින් 5000 ක් හට ශිෂ්‍යත්ව හිමිවන අතර ඒ සදහා ඩොලර් මිලියන 160 ක ප්‍රතිපාදන වෙන් වනු ඇති.
උපාධි අපේක්ෂකයින් හට ලබන සඳුදා දින සිට ශිෂ්‍යත්ව සදහා ඉල්ලුම් කිරීමේ හැකියාව පවතිනවා.
2023 වසරේ අධ්‍යාපනවේදී උපාධි පාඨමාලා සදහා ඉල්ලුම් කර ඇති පිරිස සියයට 20 කින් පහළ වැටී ඇති බවයි වාර්තා වන්නේ.
වසර 04 ක උපාධි කාලසීමාව අවසන් වන තුරු අදාළ ප්‍රතිලාභ හිමිවනු අතර වසර 04 අවසානයේ පශ්චාත් උපාධිය සදහා ද ඩොලර් විසිදහසක ශීෂ්‍යත්වයක් හිමිකර ගැනීමට විද්‍යාර්ථීන්ට හැකියාව ලැබීම විශේෂත්වයක්.
මේ අතර ශිෂ්‍යත්වලාභීන් අවම වශයෙන් වසර 04 ක් රජයේ පාසැල්වල හෝ පූර්ව ඉගෙනුම් මධයස්ථාන වල සේවය සදහා කැපවීම අනිවාර්ය වනවා.
අධ්‍යාපන අමාත්‍ය ජේසන් ක්ලෙයාර් අවධාරණය කළේ ගුරු හිගය විසදීම සදහා නව ශිෂ්‍යත්ව ක්‍රමය උපකාරි වන අතර ලොව පවතින උතුම්ම වෘත්තිය රැකගැනීම තම රජයේ අරමුණ බවයි.
