මෙහෙකාරියට $ 136,000 ක වන්දි ගෙවන්නැයි ඔස්ට්‍රේලියාවේ හිටපු ඉන්දීය මහ කොමසාරිස්ට නියෝග

ඉන්දීය ජාතික කාන්තාවකගෙන් කම්කරු නීති අභිබවා සේවය ලබා ගැනීමේ චෝදනා ලැබූ ඔස්ට්‍රේලියාවේ හිටපු ඉන්දීය මහ කොමසාරිස්වරයාට ඩොලර් 136,000 ක වන්දියක් නියම කර තිබෙනවා.

එවක ඉන්දිය මහ කොමසාරිස් ලෙස කටයුතු කල නව්දීප් සූරි සිං වෙත ෆෙඩරල් අධිකරණයක් විසින් නියෝග කර ඇත්තේ දින 60 ක කාලයක් තුළ අදාළ කාන්තාවට මෙම වන්දි මුදල ගෙවන ලෙසයි.

මෙම තැනැත්තිය 2015 වසරේ අප්‍රේල් මාසයේදී ඔස්ට්‍රේලියාවට පැමිණ ඇති අතර වසරකට වැඩි කාලයක් මහ කොමසාරිස්වරයාගේ කැන්බරා නුවර පිහිටි නිවසේ සේවය කර තිබෙනවා.

සතියේ දින 07 ම, දිනකට පැය 17 1/2 ක් බැගින් ඇය සේවයෙහි යොදවා තිබී ඇතැයිද අධිකරණයේදී අනාවරණය වුණා.

කෙසේවෙතත් වැටුප් ලෙස ඇයට හිමිවී ඇති මුලු මුදල වන්නේ ඩොලර් 3,400 ක් පමණක් බවයි පැවසෙන්නේ.

නව්දීප් සූරි සිං, ඊජිප්තුවේ තානාපතිවරයා ලෙස කටයුතු කරන විටද ඇය තානාපති නිවසෙහි සේවය කර ඇති නමුත් ඔස්ට්‍රේලියාවේ දී මෙන් තමන්ගෙන් ශ්‍රමට සූරා කෑමක් සිදු නොවූ බව වින්දිත කාන්තාව අධිකරණයේදී සඳහන් කර තිබුණා.

2016 වසරේදී මෙම තැනැත්තිය මහ කොමසාරිස් නිවසින් පළාවිත් Fair Work Ombudsman වෙත පැමිණිලි කර ඇති අතර ගැලවීමේ හමුදාවේ උපකාර ලබාගෙන තිබෙනවා.

ඇයට 2021 වසරේදී ඔස්ට්‍රේලියානු පුරවැසිභාවය පවා ලැබී ඇති බවද සඳහන්.

මෙල්බන් කැළඹූ ගින්න ගැන වෙනස්ම කතාවක්

මෙල්බන් ඩෙරිමට් (Derrimut) ප්‍රදේශයේ දැවැන්ත කර්මාන්ත ශාලාවේ ගින්න වඩාත් දරුණු වීමට හේතුව ගිනි නිවන උපකරණවල අසාර්ථකත්වය බව ගිනි නිවීම් කාර්ය මණ්ඩලය පවසනවා.

Read More »

ශ්‍රී ලාංකිකයන්ට වෙනස් අත්දැකීමක් දෙන්න 𝐌𝐑. 𝐏𝐑𝐄𝐒𝐈𝐃𝐄𝐍𝐓 මෙල්බන්වලට

ඔස්ට්‍රේලියාවේ පැවැත්වෙන විවිධ ප්‍රාසාංගික ඉසව් සිය ගණනක් අතුරින් මෙල්බන් සිටින ශ්‍රී ලාංකිකයන්ට වෙනස්ම අත්දැකීමක් ලබා ගත හැකි වේදිකා නාට්‍යයක් නැරඹීමේ අවස්ථාවක් උදාවී තිබෙනවා.

Read More »

කොකේන් භාවිත කර රිය පදවන්නන්ට ඔස්ට්‍රේලියාවේ ප්‍රාන්තයක නීති තද වෙයි

ලබන වසරේ සිට රියදුරන් සඳහා සිදුකරන අහඹු මාර්ග පරීක්ෂාවලදී කොකේන් භාවිත කර ඇති දැයි පරීක්ෂා කිරීමටද දකුණු ඔස්ට්‍රේලියා ප්‍රාන්ත පොලිසිය සැළසුම් කර තිබෙනවා.

Read More »