සැප්තැම්බර් කාර්තුවේදී child care ගාස්තු සියයට 13 කින් පහළගොස් ඇතැයි අගමැති ඇන්තනී ඇල්බනීස් පවසනවා.
ලේබර් පක්ෂ රජය විසින් හඳුන්වාදුන් ඩොලර් බිලියන 23 ක ජීවන වියදම් සහන පැකේජය ඊට මූලික හේතුව බවයි අගමැතිවරයා සඳහන් කලේ.
child care ගාස්තු අඩු කිරිමෙන් කාන්තාවන් වැඩි වශයෙන් රැකියා සඳහා යොමුවීමෙන් රටේ ආර්ථිකය සහ ඵලදායිතාවය ඉහළ නැංවෙන බවයි ඔහු පෙන්වා දෙන්නේ.
කිසියම් අයුරකින් සහන පැකේජයක් හඳුන්වා නොදුන්නේ නම් child care ගාස්තු සියයට 7 කට ආසන්න අගයකින් ඉහළයාමට ඉඩ තිබු බවද අගමැති ඇන්තනී ඇල්බනීස් කියාසිටියා.
බලශක්ති ක්ෂේත්‍රයට හඳුන්වාදුන් ප්‍රතිසංස්කරණ හමුවේ සැප්තැම්බර් කාර්තුවේදී බලශක්ති ගාස්තුවලද අඩුවක් නිරීක්ෂණය වී තිබෙනවා.
