මෙල්බන් හිදී පැවැත්වෙන සමුලුවකට සහභාගී වූ අගමැති ඇන්තනී ඇල්බනීස් ට පලස්තීන හිතවාදීන් පිරිසකගෙන් බාධා එල්ල වි තිබෙනවා.
භාණ්ඩාගාරික ජිම් චාමර්ස් ද සහභාගී වූ සමුලුවකදීයි මෙය වාර්තා වී ඇත්තේ.
එම ගොඩනැගිල්ලෙන් පිටත රැඳී සිටි පලස්තීන හිතවාදීන් විසින් විරෝධතා පුවරු ප්‍රදර්ශනය කරමින් අගමැතිවරයාට විරෝධය පළකර ඇති බව සඳහන්.
ඊශ්‍රායලයට සහය දැක්වීමටත් ගාසා තීරයේ සිවිල් වැසියන්ට එරෙහි ප්‍රහාර හෙළා නොදැකීමටත් ඇන්තනී ඇල්බනීස් විසින් අනුගමනය කරන පිළිවෙත හෙළා දකින බවයි උද්ඝෝෂකයන් පවසා ඇත්තේ.
මෙම විරෝධතාවයට සහභාගී වූ බහුතරයක් වික්ටෝරියා ප්‍රාන්තයේ අධ්‍යාපනය හදාරන සිසුන් බවටද හඳුනාගෙන තිබෙනවා.
