උද්ධමනයට සාපේක්ෂව ඔස්ට්රේලියානු සේවකයන්ගේ ජීවන වියදම වැඩි වේගයකින් ඉහළයමින් පවතින බවට අනාවරණය වී තිබෙනවා.
සංඛ්යාලේඛණ කාර්යාංශ දත්ත අනුව සැප්තැම්බර් කාර්තුවේදී මෙරට සේවකයන්ගේ ජීවන වියදම සියයට 02 කින් වර්ධනය වී ඇති බව සඳහන්.
පසුගිය වසරේ එම කාලය හා සැසඳීමේදී එහි ඉහළයාම සටහන් වන්නේ සියයට 09 ක් ලෙසයි.
උකස් පොළී ගෙවීම් මෙම කාර්තුවේදී සියයට 9.3 ක් ලෙස ඉහළයාම ජිවන වියදම් දර්ශක වැඩිවීමට ප්රධානම වශයෙන් බලපා තිබෙනවා.
මේ අතර වැඩි ප්රසාද දීමනා සහ වටට්ම ලබා ගැනීමේ අරමුණ ඇතිව ඔස්ට්රේලියානුවන් වැඩි පිරිසක් එකවර විශාල ප්රමාණයන්ගෙන් භාණ්ඩ මිළදී ගැනීමට කැමැත්තක් දක්වන බවටද හෙළිකරගෙන තිබෙනවා.
ඉදිරි උත්සව සමයේදී මෙම තත්වය තවත් කැපී පෙනෙන ලෙස ඉහළ යනු ඇති බවටද පුරෝකථනය කර තිබෙනවා.
