අපරාධ සඳහා වගකිව යුතු අවම වයස අවුරුදු 14 දක්වා ඉහළ දමමින් ACT ප්‍රාන්ත පාර්ලිමේන්තුව විසින් නව නීතියක් සම්මත කරගෙන තිබෙනවා.
දැනට Northern Territory හි එම වයස අවුරුදු 12 ක් ලෙස පවතින අතර අනෙකුත් සෑම ප්‍රාන්තයකම අවුරුදු 10 ලෙසයි පවතින්නේ.
මේ අනුව 2025 වසරේ මැද භාගයේ සිට ප්‍රාන්තයේ වයස අවුරුදු 14 ට අඩු දරුවන් කිසියම් අපරාධයකට සම්බන්ධ වුවද ඔවුන්ට එරෙහිව ළමා රැඳවුම් ක්‍රියාවලි අනුගමනය කිරීමක් සිදුවන්නේ නැහැ.
කෙසේවෙතත් ACT ප්‍රාන්ත විපක්ෂය ඉල්ලා තිබුණේ මෙම වයස් සීමාව අවුරුදු 12 හි තබාගත්තේ නම් වඩාත් යෝග්‍ය බවයි.
ඇතැම් යෞවන යෞවනියන් සිතා මතා කරන වැරදි හමුවේ ඔවුන්ට දඩුවම් නියම කිරීම මෙම නව නීතියත් සමග අසීරු වනු ඇති බවයි ඔවුන්ගේ ස්ථාවරය වන්නේ.
