දකුණු ඔස්ට්‍රේලියාවේ පොදු රෝහල්වල ප්‍රතිකාර ලබාගන්නා රෝගීන්ගේ පුද්ගලික දත්ත සොරාගැනීමේ සිදුවීමක් පිළිබඳ වාර්තා වී තිබෙනවා.
121 දෙනෙකුගේ නම් සහ 12,000 කට ආසන්න පිරිසකගේ නම් සහ දුරකථන අංක මෙහිදී අවභාවිත වී ඇති බවයි අනාවරණ වී ඇත්තේ.
මෙය කිසියම් 03 වන පාර්ශවයක් විසින් අත්වැරදීමකින් සිදුකරනු ලැබූ ක්‍රියාවක් හේතුවෙන් සිදුව ඇති බවටද තහවුරු වී තිබෙනවා.
දකුණු ඔස්ට්‍රේලියා සෞඛ්‍ය අංශ පවසා ඇත්තේ අදාළ සංවේදී තොරතුරු වෙනත් අයෙකු අතට පත් නොවීමට අවශ්‍ය පියවර ගෙන ඇති බවයි.
මෙම සිද්ධිය පිළිබඳ පුලුල් විමර්ශනයක් ආරම්භ කර ඇති බවයි දකුණු ඔස්ට්‍රේලියා සෞඛ්‍ය ඇමතිවරයා පවසා ඇත්තේ.
