ක්වීන්ස්ලන්ඩ් ප්‍රාන්තයේ ස්ථාන රැසක පවතින ලැව්ගිනි තත්වය දරුණු අතට පත්වී තිබෙනවා.
මේ වනවිට ස්ථාන 60 ක පමණ සක්‍රීය ලැව් ගිනි පවතින බවටයි ආපදා අංශ අනාවරණය කරන්නේ.
එයින් බහුතරයක තදාසන්න ජනකාවට වහා ආරක්ෂිත ස්ථාන වෙත යොමුවන ලෙස අනතුරු ඇගවීම් ද නිකුත් කර තිබෙනවා.
ක්වීන්ස්ලන්ඩ් ප්‍රාන්තයේ ස්ථාන කිහිපයක පවතින ලැව් ගිනි හමුවේ මෙම සතිය තුළදී පමණක් නිවාස 32 ක් මුලූමණින්ම විනාශ වී තිබෙනවා.
හෙක්ටයාර 20,000 කට ආසන්න භූමි ප්‍රමාණයක් මේ වනවිට ගිනි ගෙන විනාශ වී ඇති බව සඳහන්.
මේ අතර නිවු සවුත් වේල්ස් ප්‍රාන්තයේ ස්ථාන කිහිපයකට ඉදිරි දිනවල මිලිමීටර් 100 ඉක්මවූ වැසි තත්වයක් අපේක්ෂා කෙරෙනවා.
එමගින් ලැව්ගිනි තත්වයන් යම්තාක් දුරකට පාලනය වනු ඇති බව ද සඳහන්.
