ඕස්ට්‍රේලියාව තුළ පර්යේෂණ කටයුතු වෙනුවෙන් ඩොලර් මිලියන 650 ක අමතර මූල්‍යාධාර වෙන් කිරීමට ෆෙඩරල් රජය පියවර ගෙන තිබෙනවා.
කර්මාන්ත අමාත්‍ය එඩ් හුසීක් සඳහන් කර ඇත්තේ ඉදිරි වසර 10 සඳහා වෙන් කර ඇති ඩොලර් බිලියන 04 ක පැකේජයට අමතරව මෙම මුදල වෙන් කෙරෙන බවයි.
විශේෂයෙන් විශ්ව විද්‍යාල මට්ටමින් සිදුවන පර්යේෂණවල සාර්ථකත්වය සදහා අවශ්‍ය සහයෝගය ලබා දීම මෙහි අරමුණ වී තිබෙනවා.
මාධ්‍ය වෙත අදහස් දක්වමින් එඩ් හුසීක් වැඩිදුරටත් අවධාරණය කර ඇත්තේ රටේ ආර්ථිකය නගා සිටුවීම සදහා වැදගත් තීන්දු තීරණ ගැනීම සදහා විශ්ව විද්‍යාල පර්යේෂණ කණ්ඩායම් ඒකාබද්ධව ඔවුන්ගේ පර්යේෂණ සිදු කළ යුතු බවයි.
රටේ ජනතාවට සාධනීය අනාගතයක් ලබාදීමට කණ්ඩායම් හැගීමෙන් එකට එක්ව කටයුතු කිරිමට අදාළ අංශ දිරිමත් කිරීම සම්බන්ධයෙන් එඩ් හුසීක් එහිදී අදහස් ප්‍රකාශ කළා.
සියලූ කටයුතු සදහා මූල්‍යමය දායකත්වයක් ලබාදීමට ෆෙඩරල් රජය එකගතාව පළ කිරීම ද විශේෂත්වයක්.
