වික්ටෝරියා විදුලිබල කොමිෂන් සභාව යලි ප්‍රතිසංස්කරණයට සැලසුම්

පෞද්ගලීකරණය කරන ලද ප්‍රාන්ත විදුලිබල කොමිෂන් සභාව යලි ප්‍රතිසංස්කරණය කිරීමට වික්ටෝරියානු රජය සැලසුම් කර තිබෙනවා.

ඒ අනුව ප්‍රාන්තය පුරා පුනර්ජනනීය බලශක්ති ඉලක්ක සපුරාලිමට අදාල නව සැලසුම් හා යෝජනා ක්‍රියාත්මක කරන බවයි අග්‍රාමාත්‍ය ජසින්තා ඇලන් අවධාරණය කර ඇත්තේ.

ඉදිරි දශකයට ගැලපෙන පරිදි බලශක්ති සැලැස්මක් සකස් කරමින් විදුලිබල කොමිෂන් සභාව ප්‍රතිස්ථාපනය කිරීම තම අරමුණ බව ද අගමැතිවරිය පවසනවා.

2023 වසරේ සිට 2035 වසර දක්වා කාල වකවානුව තුළ ප්‍රමුඛතා තුනක් යටතේ අදාළ සැලසුම් ක්‍රියාත්මක කිරීමට නියමිතයි.

පුනර්ජනනීය බලශක්තිය සඳහා ආයෝජනය කිරීම – ගෘහාශ්‍රිත විදුලි උපකරණ භාවිතයට පමණක් ජනතාව දිරිගැන්වීම සහ පුනර්ජනනීය බලශක්ති ක්ශේත්‍රයට අදාළ රැකියා උත්පාදනය අදාළ සැලසුම් අතරට අයත්.

2022 නොවැම්බර් මස වන විට වික්ටෝරියි විදුලිබල කොමිෂන් සභාව රැකියා 60,000 ක් පමණ නිර්මාණය කර තිබුනා.

පුනර්ජනනීය බලශක්ති ශ්‍රම බලකාය දිරිමත් කිරීමේ අරමුණින් පාසැල් ඇතුලූ තවත් ආයතන කිහිපයක් සමග එක්ව නව ආයතනයක් ස්ථාපිත කිරීමට ද වික්ටෝරියා ප්‍රාන්තය සූදානම් ව ඇති බවද වාර්තා වනවා.