පොසිල ඉන්ධන භාවිතයෙන් ඉවත්වීමේ ගිවිසුමකට සිඩ්නි සහ මෙල්බන් යන නාගරික කවුන්සිල දෙකම අත්සන් තබා තිබෙනවා.
ඒ අනුව මෙම දශකය අවසාන වනවිට අලුතින් ඉදි කෙරෙන ගොඩනැගිලි කිසිවක ඉන්ධන හෝ ගෑස් භාවිත නොකරන මට්ටමකට ගෙන ඒමට නියමිතයි.
දැනට ඉදි කර ඇති ගොඩනැගිලිවල ප්‍රධාන සහ එකම බලශක්ති ප්‍රභවය බවට විදුලිය පත් කිරීමේ ඉලක්කය 2040 වනවිට සපුරා ගැනීම ද මෙම ගිවිසුමේ ප්‍රධාන ඉලක්කයක්.
වික්ටෝරියා සහ ප්‍රාන්ත රජයන් විසින්ද දැනටමත් මේ හා සමාන ඉලක්ක ප්‍රකාශයට පත් කර තිබෙනවා.
ඒ ෆෙඩරල් රජයේ ශුන්‍ය කාබන් විමෝචන වැඩපිළිවෙලට සහය දැක්වීමක් ලෙසයි.
