ඔස්ට්‍රේලියාවේ පැවැත්වෙන කාන්තා බිග්බෑෂ් ලීග් ක්‍රිකට් තරගාවලියේ දී ඉහළ දක්ෂතා දැක්වීමට ශ්‍රී ලාංකික ක්‍රීඩිකා චමරි අතපත්තු සමත්වී තිබෙනවා.
ඒ අනුව ඊයේ පැවති තරගයෙන් ලකුණු 42 ක ජයක් හිමි කර ගැනීමට සිඩ්නි තන්ඩර්ස් පිල සමත් වුණා.
සිඩ්නි සික්සර්ස් පිලට එරෙහිව නෝර්ත් සිඩ්නි හිදී පැවති තරගයේදී පළමුව පන්දුවට පහර දුන් තන්ඩර්ස් පිල කඩුලූ 05 ක් දැවී ලකුණු 190 ක් රැස් කළා.
සාර්ථක ආරම්භයක් දුන් චමරි අතපත්තු හතරේ පහර 5 ක් සහ හයේ පහර 3 ක් සමගින් ලකුණු 52 ක් ලබාගැනීමට සමත්වුණා.
පිළිතුරු ඉණිම ක්‍රීඩා කල සිඩ්නි සික්සර්ස් පිලට පන්දුවාර 20 අවසානයේ කඩුලූ 09 ක් දැවී රැස් කළ හැකි වූයේ ලකුණු 148 ක් පමණයි.
දක්ෂ පන්දු යැවීමක නිරත වූ චමරි අතපත්තු ලකුණු 20 කට කඩුලූ 3ක් බිඳ හෙළූ අතර, තරගයේ දක්ෂතම ක්‍රීඩිකාව ලෙස ද සම්මාන දිනා ගත්තා.
SOURCE / CREDIT – SBS
