මෙම වසර තුළ 03 වන වරටත් ඔස්ට්‍රේලියාව තුළ වෛද්‍ය ගාස්තු ඉහළ දැමීමට තීරණය වී තිබෙනවා.
ඒ අනුව සාමාන්‍ය වෛද්‍ය උපදේශන සැසියක් වෙනුවෙන් ඔස්ට්‍රේලියානුවන්ට වැය කිරීමට සිදුවන මුදල ඩොලර් 102 දක්වා ඉහළ යනු ඇති බවටයි අනාවැකි පළවන්නේ.
ඔස්ට්‍රේලියානු වෛද්‍ය සම්මේලනය විසින් වෛද්‍යවරුන්ට උපදෙස් දී ඇත්තේ ඉහළ ගොස් ඇති සෙසු වියදම්වලට සාපේක්ෂව වෛද්‍ය ගාස්තු ද ඉහළ දමන ලෙසයි.
පසුගිය මාර්තු මාසයේදී වෛද්‍ය ගාස්තු ඩොලර් 90 දක්වා වැඩි කෙරුණු අතර ජූලි මාසයේදී එය ඩොලර් 98 ක් දක්වා ඉහළ දමනු ලැබුවා.
කෙසේවෙතත් විශ්‍රාමිකයන් – විවිධ සුබසාධන දීමනා ලබන්නන් සහ වයස අවුරුදු 16 ට අඩු ළමුන් වෙනුවෙන් වන මෙඩිකෙයාර් සහන ලබන නොවැම්බර් 01 දා සිට පුලුල් කිරීමටද නියමිතයි.
