ඔස්ට්‍රේලියානු වයින් සඳහා පණවා ඇති තීරු බදු පිළිබඳ නැවත සමාලෝචනය කිරීමට චීනය එකග වී තිබෙනවා.
ලබන මාසයේ මුලදී චීනයේ නිල සංචාරයකට නිරතවීමට පෙර අගමැති ඇන්තනී ඇල්බනීස් විසින්ප ඒ සම්බන්ධ නිල නිවේදනයක් නිකුත් කරනු ඇති.
ඔස්ට්‍රේලියානු වයින් සඳහා චීනය විසින් සියයට 220 ක තීරු බදු පණවනු ලැබුවේ 2020 වසරේදීයි.
එය මෙරට වයින් නිෂ්පාදන කර්මාන්තයට දැඩි බලපෑම් එල්ල කරනු ලැබුවා.
සිව්දින නිල සංචාරයක් සඳහා අගමැති ඇන්තනී ඇල්බනීස් චීනය බලා පිටත්වයාමට නියමිතව ඇත්තේ ලබන මස 04 වනදායි.
2016 වසරෙන් පසු ඔස්ට්‍රේලියානු අගමැතිවරයෙකු චීනයේ නිල සංචාරයක නිරත වන පළමු අවස්ථාව මෙයයි.
