පොදු රාජ්‍ය ක්‍රීඩා ඉවත්වීම ගැන ඇන්ඩෲස්ට අඛණ්ඩ චෝදනා

පොදුරාජ්‍ය මණ්ඩලීය ක්‍රීඩා උළෙල සත්කාරකත්වයෙන් ඉවත්වීම පිළිබද සෙනෙට් කමිටු කරුණු විමසීමට එක් වෙමින් වික්ටෝරියා හී ප්‍රමුඛ පෙළේ ක්‍රිඩා සම්මේලනයක් වන VicSport ආයතනය හිටපු අගමැති ඩැනියෙල් ඇන්ඩෘස් ගේ ක්‍රියා කලාපය දැඩි ලෙස විවේචනයට ලක් කර තිබෙනවා.

සාමාජිකයින් මිලියන 3.9 කට අධික පිරිසක් මෙන්ම ක්‍රීඩා ආයතන 16,000 කින් සමන්විත වන VicSport ආයතනය පෙන්වා දෙන්නේ ක්‍රීඩා උළෙල අවලංගු කිරීමට ගත් තීරණය ක්‍රීඩක ක්‍රීඩිකාවන් ඇතුලූ පුහුණුකරුවන්ගේ අයිතිවාසිකම් උල්ලංඝණයක් බවයි.

ඔවුන් වැඩිදුරටත් පෙන්වා දී ඇත්තේ මෙලෙස ජාත්‍යන්තර ක්‍රීඩා උළෙක් අවලංගු කිරීම සමස්ථ රටටම සෘණාත්මක බලපෑමක් එක් කරන බවයි.

හිටපු අගමැති ඩැනියෙල් ඇන්ඩෘස් පෙන්වා දී තිබුණේ ඇස්තමේන්තුගත මිලට සාපේක්ෂව පිරිවැය අධික වීම හේතුවෙන් 2026 පොදුරාජ්‍ය මණ්ඩලීය ක්‍රීඩා උළෙල අවලංගු කිරීමට පියවර ගත් බවයි.

කෙසේ වෙතත් VicSport සම්මේලණය පෙන්වා දී ඇත්තේ පිරිවැය ඉහළ යෑම පිළිබද අදාළ තක්සේරු නිකුත්වීමත් සමග ක්‍රීඩා උළෙල පැවැත්වීමට සුදුසු වෙනත් නගරයක් තොරා ගැනීමට ක්‍රියා නොකිරීම ගැටලු සහගත බවයි.

කෙසේ වෙතත් 2026 පොදු රාජ්‍ය මණ්ඩලීය ක්‍රීඩා උළෙල පැවැත්වීමට ගෝල්ඩ් කෝස්ට් නගරය සූදානම් නම් ඊට අවශ්‍ය සහයෝගය ලබා දිමට වික්ටෝරියා ප්‍රාන්ත බලධාරීන් එකගතාව පල කර තිබෙනවා.

ග්‍රීසියේ ඇතන්ස් නගරය අඟහරුට සමාන වෙයි

සහරා කාන්තාරයෙන් පැමිණෙන දූවිලි වලාකුළු සමඟ ග්‍රීසියේ ඇතන්ස් නගරයට ඉහළින් අඟහරු ග්‍රහ ලෝකයට සමාන තැඹිලි පැහැති දුමාරයක් මතුවී ඇතැයි වාර්තා වනවා.

Read More »

උමා ඔයේ සේවිකාවන් දෙදෙනෙකුට වෙන් වූ ජනන යන්ත්‍ර

උමා ඔය බහුකාර්ය සංවර්ධන ව්‍යාපෘතිය ඉදිකිරීමේදී ලැබුණු සහාය අගයමින් ජල විදුලි සංකීර්ණයේ ජනන යන්ත්‍ර දෙකක් කාන්තා සේවිකාවන් දෙදෙනෙකුගේ නමින් නම් කර තිබෙනවා.

Read More »

ඔස්ට්‍රේලියාවේ Post Study Visa ලබා ගැනීමට හැකි වයස් සීමාව අඩු කෙරේ

ඔස්ට්‍රේලියාවේ පශ්චාත් අධ්‍යයන වීසා සඳහා බලපාන වයස අවුරුදු 35 දක්වා සීමා කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.

Read More »

ධාවනයෙන් දස්කම් දැක්වූ උසේන් බෝල්ට් ක්‍රිකට්වලටත් එයි

ජාත්‍යන්තර ක්‍රිකට් කවුන්සිලය විසින් ඔලිම්පික් ධාවන ශුරයෙකු වන උසේන් බෝල්ට් ලබන ජුනි මස පළමුවනදා සිට 29 වනදා දක්වා පැවැත්වීමට නියමිත විස්සයි20 ලෝක කුසලානයේ තානාපති ලෙස ප්‍රකාශයට පත් කර තිබෙනවා.

Read More »