ටස්මේනියා හෙද සහ පවුල් සෞඛ්‍ය සේවක සේවිකාවන් හට 15% ක වැටුප් වැඩි කිරීමක්

ටස්මේනියා ප්‍රාන්තයේ හෙද සහ පවුල් සෞඛ්‍ය සේවක සේවිකාවන් හට ලබන දෙසැම්බර් පළමුවන දා සිට වැටුප් වැඩි කිරීමට ප්‍රාන්ත රජය පියවර ගෙන තිබෙනවා.

අදාළ වැටුප් වැඩි කිරීම වසර තුනක කාලයක් සදහා වලංගු වන අතර සියයට 15 ක් දක්වා වැටුප් වැඩිවීමක් සිදුවනු ඇති.

ඒ අනුව ඩොලර් 1,500 ක මූලික වැටුප් වැඩිවීමක් සහ ඩොලර් 1,000 ක ජීවන වියදම් ගෙවීමක් ගෙවීමටයි සැලසුම් කර ඇත්තේ.

සති අන්ත සේවා මුර සඳහා අමතර දීමනා මෙන්ම උපාධි මට්ටම ඉක්මවා සුදුසුකම් සහිත හෙද නිලධාරීන් සදහා විශේෂ වරප්‍රසාද හිමිවන අතර ඔවුන්ගේ වැටුප් පරිමා ද ඉහළ යනු ඇති.

වැටුප් වැඩිවීමට අදාළ නව සේවා කොන්දේසි 2026 වසරේ ජුලි පළමුවනදායින් අවසන් වීමට නියමිතයි.

හෙද වෘත්තීය සමිති පෙන්වා දෙන්නේ මෙලෙස වැටුප් වැඩීවිම දැනට පවතින සේවා පුරප්පාඩු 500 ත් 1,000 ත් අතර සංඛ්‍යාවක් සම්පූරණ කිරීම ඇතුලූ හෙද සේවයේ සාධනීය වෙනස්කම් රැසක් ඇති කිරීමට හේතු වන බවයි.

ටස්මේනියානු ප්‍රාන්තයේ හෙද වෘත්තිකයින්ගේ රැකියා තෘප්තිය වැඩි කරමින් අදාළ සේවා සදහා ඉල්ලූම් කරන්නන් වෙත අවශ්‍ය පහසුකම් මෙන්ම පුහුණුව ලබා දීම අරමුණ බව ප්‍රාන්ත බලධාරීන් අවධාරණය කර තිබෙනවා.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »