ක්වීන්ස්ලන්ඩ් ප්‍රාන්තයට ඔබ්බෙන්වු වෙරළබඩ කලාපය තුළ සුළි කුණාටු තත්වයක් ඇතිවීමේ අවධානමක් පවතින බව කාළගුණ අංශ අනතුරු අගවා තිබෙනවා.
සොලමන් දූපත් හා නැගෙනහිරින් මුහුදු තීරයේ වූ අඩු පීඩන තත්වය මේ සදහා බලපෑම් එල්ල කරන බවයි වාර්තා වන්නේ.
ඉදිරි සතිය තුළ සුළිකුණාටුවේ බලපෑම ඔස්ටේ්‍රලියාවේ ඊසාන දිග ප්‍රදේශ වෙත ගමන් කරන බව කාලගුණ අංශ දැනුම් දී ඇති අතර එහි බලපෑම අවම වන බව සදහන්.
සාමාන්‍යයෙන් නිවර්තන සුළි කුණාටු තත්වය නොවැම්බර් මස මුල් කාලයේ සිට අප්‍රේල් දක්වා පවතින අතර වසරේ ඕනෑම කාලයක දී එම තත්වයේ වර්ධනයක් අපේක්ෂා කරන බවයි කාලගුණ අංශ වැඩිදුරටත් සදහන් කර ඇත්තේ.
ඒ අනුව සුළි කුණාටු තත්වයන්ගේ වර්ධනයක් ඉදිරි සතිය තුළ අපේක්ෂා කළ ද එමගින් ක්වීන්ස්ලන්ඩ් වැසියන්ට සිදුවන බලපෑම අවම බවයි වාර්තා වන්නේ.
