කැන්බරා නාගරික කලාපයේ ගස් වලට හානි කරන පුද්ගලයින්ට $ 80,000 ක දඩයක්

කැන්බරා හි නාගරික කලාපය තුළ සිටුවා ඇති ගස් වලට හානි කරන පුද්ගලයින්ට ලබන ජනවාරි පළමුවන දා සිට ඩොලර් 80,000 ක දඩයක් නියම කිරීමට ACT ප්‍රාන්ත රජය පියවර ගෙන තිබෙනවා.

අයහපත් කාලගුණය – කාර්ය මණ්ඩල හිගය සහ නීති විරෝධී ලෙස ගස් කැපීම ඇතුලූ හේතූ මුල් කරගනිමින් නාගරීක වනාන්තර ව්‍යාප්තිය මන්දගාමී වී ඇති බවයි වාර්තා වන්නේ.

2045 වසර වන විට ප්‍රාන්තය පුරා රාජ්‍ය මෙන්ම පෞද්ගලික ඉඩම් මුල් කරගනිමින් සියයට 30 ක් ආවරණය වන පරිදි ගස් සිටුවීම ACT රජයේ අරමුණයි.

පසුගිය වසර තුළ ප්‍රාන්තය පුරා සිටුවීමට අපේක්ෂිත ගස් ප්‍රමාණයට වඩා ගස් 5,350 ක් අඩුවෙන් සිටුවා ඇති අතර එම අගය අපේක්ෂිත ඉලක්කයට වඩා සියයට 30 ක අඩුවක් ලෙසයි සටහන්ව ඇත්තේ.

නගර ආශ්‍රිත වාහන ගාල් කිරීම සදහා නීති විරෝධි ලෙස ගස් කපා ඉවත් කිරීම සහ නිවාස ආශ්‍රිත පිහිටි ගස්වලට හිතා මතා හානි කිරීම හේතුවෙන් නාගරික කලාපීය වනාන්තර තර්ජනයට ලක්ව ඇති බව පරිසරවේදීන් පවසනවා.

නීති විරෝධී ලෙස ගස් කපා ඇති ස්ථාන හා ප්‍රදේශ පිළිබද නිවැරදි තොරතුරු මෙතෙක් අනාවරණය කර නොමැතිවීම සම්බන්ධයෙන් බොහෝ පාර්ශව පාරිසරික කොමිසම වෙතයි චෝදනා ඉදිරිපත් කර ඇත්තේ.

සති අන්තයට සූදානම් වන මෙල්බන් ජනතාවට කාලගුණයෙන් දැනුම්දීමක්

මෙල්බන් ඇතුලු ඔස්ට්‍රේලියාවේ ප්‍රධාන නගර රැසකට පවතින දැඩි ශීත සහිත කාලගුණික තත්වය මෙම සති අන්තයේදී තවදුරටත් වර්ධනය වනු ඇති බව කාලගුණ විද්‍යා කාර්යාංශය පුරෝකථනය කරනවා.

Read More »

මතභේධයට ලක්වූ සිඩ්නි ගොඩනැගිල්ලට වෙන්න යන දේ

මතභේදාත්මක ලෙස අලෙවි කරනු ලැබූ සිඩ්නි හි ජනප්‍රිය සිරියස් (Sirius) නිවාස සංකීර්ණය නව පදිංචිකරුවන් සඳහා නැවත විවෘත කිරීමට නියමිතව තිබෙනවා.

Read More »

මෙල්බන් වෙළඳසැල්වලට ගිනි තැබු මෝටර් රථය

මෙල්බන් නොබෙල් පාර්ක් නෝර්ත් (Noble Park North) ප්‍රදේශයේදී වෙළඳසැල් පිහිටි ගොඩනැගිල්ලකට මෝටර් රථයක් කඩා වැදීම හේතුවෙන් වෙළඳසල් රැසක් ගිනිගෙන තිබෙනවා.

Read More »