මැද පෙරදිග ඕනෑම රටක අවධානම් ප්රදේශවල සිටින ඔස්ට්රේලියානුවන්ට වහා ආරක්ෂිත ස්ථාන කරා ඉවත් වන්නැයි ෆෙඩරල් රජය විසින් දැනුම් දී තිබෙනවා.
ස්වදේශ කටයුතු ඇමතිනී ක්ලෙයාර් ඔ-නිල් අවධාරණය කරන්නේ කලාපයේ වාතාවරණය දිනෙන් දිනම අයහපත් අතට හැරෙමින් ඇති බවයි.
ගාසා තීරයේ රෝහලකට එල්ල වූ ගුවන් ප්රහාරයකින් සිවිල් වැසියන් 500 කට වැඩි පිරිසක් මියයාමෙන් අනතුරුවයි අමාත්යවරිය විසින් මෙම දැනුම්දීම සිදුකර ඇත්තේ.
ආසන්නම ගුවන් වාරය භාවිත කර අනතුරුදායක කලාපවලින් ඉවත් වන ලෙසටයි මැද පෙරදිග අවධානම් කලාපවල සිටින ඔස්ට්රේලියානුවන්ගෙන් ඉල්ලීමක් කෙරෙන්නේ.
ගාසා තීරයේ තවදුරටත් රැඳී සිටින ඔස්ට්රේලියානුවන් සංඛ්යාව 45 ක් ලෙසටයි ගණන් බලා ඇත්තේ.
