හෘද රෝග සහ ඩිමෙන්ශියා රෝගය හඳුනා ගැනීමේ සලකුණක් ලෙස රුධිර පීඩන උච්චාවචනය වීම හදුනාගෙන ඇති බව නවතම සමීක්ෂණයනකින් හෙළිව තිබෙනවා.
පර්යේෂකයින් පෙන්වා දෙන්නේ පැය 24 ක් තුළ / දිනපතා මෙන්ම සතිපතා මෙලෙස රුධිර පීඩනය වෙනස්වීම, හදවත් රෝගවල මූලික ලක්ෂණයක් ලෙස හඳුනාගෙන ඇති බවයි.
වයස අවුරුදු 60 සහ 80 අතර පසුවන වැඩිහිටියන් 70 ක් උපයෝගී කරගනිමින් අදාළ පර්යේෂණය සිදු කර තිබුණා.
අධි රුධිර පීඩනය – ඩිමෙන්ශියා රෝගි තත්වය සදහා අවධානම් සා’ධකයක් ලෙස පෙර සිට හදුනාගෙන ඇති අතර වයස්ගත හා දුර්වලතා සෞඛ්‍ය තත්වයක් හිමි රුධිර පීඩනය උච්චාවචනය වන පුද්ගලයින් සදහා වන බලපෑම ද ඉහළ වනු ඇති.
මේ වනවිට ඩිමෙන්ශියා රෝගී තත්වයෙන් පෙළෙන ඔස්ට්‍රේලියානුවන් 400,000 ක් පමණ සිටින බවට හඳුනාගෙන ඇති අතර 2058 වන විට එම අගය 850,000 ක් දක්වා ඉහළ යනු ඇති බවට සෞඛ්‍ය අංශ අනතුරු අගවා තිබෙනවා.
බොහෝ දෙනෙකු අධි රුධිර පීඩනය සම්බන්ධයෙන් වැඩි අවධානයක් යොමු කළ ද රුධිර පීඩන උච්චාවචනය වීම කෙරෙහි වැඩි සැලකිල්ලක් නොදැක්වීම බරපතල සෞඛ්‍ය ගැටලූවක් බවයි පර්යේෂකයින් පෙන්වා දෙන්නේ.
