ඊශ්‍රායලයේ සිරවී සිටින ඔස්ට්‍රේලියානුවන් මුදා ගැනීම සඳහා සැලසුම් කර තිබූ ක්වන්ටාස් ගුවන් වාර 02 ක් අවලංගු කර තිබෙනවා.
මේ වනවිට කලාපයේ පවතින දැඩි අනාරක්ෂිත තත්වය ඊට හේතුව බවයි විදේශ කටයුතු දෙපාර්තමේන්තුව නිකුත් කර ඇති නිවේදනයක දැක්වෙන්නේ.
නැවත වරක් මෙම ගුවන් වාර ක්‍රියාත්මක කරන දිනයක් මෙතෙක් තහවුරු කර නැහැ.
කෙසේවෙතත් යුධ ගැටුම් හමුවේ පීඩාවට පත්ව සිටින සියලු ඔස්ට්‍රේලියානුවන් ආරක්ෂිතව ඉවත් කර ගැනීම ෆෙඩරල් රජයේ අරමුණ බවයි විදේශ දෙපාර්තමේන්තුව අවධාරණය කරන්නේ.
එහි පළමු අධියර ලෙස 238 දෙනෙකු ඊශ්‍රායලයේ සිට බ්‍රිතාන්‍යයේ ලන්ඩන් නුවර දක්වා ඉවත් කර ගැණුනා.
ඔවුන් ලබන අගහරුවාදා දිනයේදී සිඩ්නි දක්වා රැගෙන ඒමට නියමිතයි.
