නාසි සංකේත ප්‍රදර්ශනය තහනම් කිරීමට අදාළ නීති ක්වීන්ස්ලන්ඩ් ප්‍රාන්ත රජය විසින් ද සම්මත කරගෙන තිබෙනවා.
ඒ අනුව තහනම් ලැයිස්තුවට ඇතුළත් සංකේත, ප්‍රසිද්ධියේ ප්‍රදර්ශනය – භාවිතය මෙන්ම ටැටූ ලෙස සිරුරෙහි ප්‍රදර්ශනය පවා තහනම් වනු ඇති.
සමාජ මාධ්‍ය තුළ මෙම සංකේත ප්‍රදර්ශනයද තහනම් වන අතර මෙම නියමයන් කඩ කරන පුද්ගලයන්ට මාස 06 ක සිර දඩුවමකට යටත්වීමට සිදුවන වා.
කෙසේවෙතත් හින්දු – බෞද්ධ සහ ජෛන ආගම්වලට අදාළ ස්වස්තික ලාංඡනය ප්‍රසිද්ධියේ භාවිත කිරීමට මෙමගින් කිසිදු බාධාවක් එල්ල වන්නේ නැහැ.
මෙම නව නීති ක්‍රියාත්මක වන දිනය ක්වීන්ස්ලන්ඩ් ප්‍රාන්ත රජය විසින් ඉදිරියේදී නිවේදනය කරනු ඇති.
