සිංගප්පූරුවේ සිට පර්ත් නුවර දක්වා පැමිණෙමින් තිබූ ගුවන් යානයක බෝම්බ තර්ජනයක් ඇතිකල ඔස්ට්‍රේලියානුවෙකු අත්අඩංගුවට ගෙන තිබෙනවා.
අඩු පිරිවැය ගුවන් සේවයක් වන ස්කූට් (scoot) ගුවන් සේවයට අයත් TR 16 ගුවන් යානය සිංගප්පූරුවේ චැංගි ජාත්‍යන්තර ගුවන් තොටුපළෙන් ගමන් ආරම්භ කර තිබුණේ ඊයේ පස්වරු 04.10 ටයි.
විනාඩි 40 කට පමණ පසු යානයේ බෝම්බයක් ඇති බවට සැකකරු විසින් පවසා ඇති බව සඳහන්.
අනතුරුව ප්‍රහාරක ජෙට් යානා 02 ක ආරක්ෂාව මධ්‍යයේ මෙම ගුවන් යානය නැවතත් සිංගප්පූරුව දක්වා හරවාගෙන පැමිණ තිබෙනවා.
එහිදී අත්අඩංගුවට ගත් ඔස්ට්‍රේලියානු ජාතිකයා 30 හැවිරිදි වියෙහි පසුවන්නෙකු බවටයි හඳුනාගෙන ඇත්තේ.
කෙසේවෙතත් යානයේ තිබි කිසිදු සැකකටයුතු යමක් හමුවී නැහැ.
