යුධ ඡායාරූප හා වීඩියෝ දරුවන්ගෙන් ඈත්කර තබන්නැයි ඉල්ලීමක්

හමාස් – ඊශ්‍රායල යුධ ගැටුම් වලට අදාළව මේ දින වල සමාජ මාධ්‍ය ඔස්සේ සංසරණය වන ඡායාරූප හා විඩියෝ දර්ශන මගින් දරුවන් ආරක්ෂා කර ගන්නා ලෙස ෆෙඩරල් රජය දෙමාපියන්ගෙන් ඉල්ලීමක් කර තිබෙනවා.

ඔස්ට්‍රේලියාවේ වෙසෙන යුදෙව් දරුවන්ගේ දෙමාපියන් මේ සම්බන්ධයෙන් වැඩි අවධානයෙන් පසුවන ලෙසයි රජය උපදෙස් ලබා දී ඇත්තේ.

හමාස් ත්‍රස්ත ප්‍රහාර හමුවේ ඝාතනය වූ කුඩා දරුවන්ගේ ඡායාරූප සහ වීඩියෝ දර්ශන මේ දින වල ඉතා වේගයෙන් සමාජ මාධ්‍ය ඔස්සේ සංසරණය වන බව අනාවරණය වී තිබෙනවා.

මේ අතර යුදෙව් සිසුන්ගේ සමාජ මාධ්‍ය භාවිතයන් පිළිබද දෙමව්පියන්, ගුරුවරුන් මෙන්ම වැඩිහිටියන්ද දැඩි විමසිල්ලෙන් පසුවිය යුතු බවටයි රජය අනතුරු අගවා ඇත්තේ.

විශේෂයෙන් ටික්ටොක්, ඉන්ස්ටග්‍රම් වැනි සමාජ මාධ්‍ය යෙදවුම් කෙරෙහි එහිදී වැඩි අවධානයක් යොමු කරන්නැයිද ඉල්ලීමක් කෙරෙනවා.

යුධමය මානසිකත්වයෙන් දරුවන් හැකිතාක් ඈත්කර තබන ලෙසත් දරුවන් මේ දින වල කතා බහ කරන මාතෘකා සම්බන්ධයෙන් වැඩි අවධානයක් දක්වන ලෙසත් දෙමාපියන් වෙත වැඩිදුරටත් උපදෙස් දී තිබෙනවා.

ජීවිත 7ක් අහිමි කළ මෝටර් රථ ධාවන තරගාවලියේ දෙදෙනෙක් අත්අඩංගුවේ

දියතලාව ෆොක්ස් හිල් සුපර්ක්‍රොස් ධාවන තරගයේදී සිදු වූ අනතුරට අදාළව රියදුරන් දෙදෙනෙකු පොලිසිය විසින් අත්අඩංගුවට ගෙන තිබෙනවා.

Read More »

ඊශ්‍රායලයේ අමානුෂික ප්‍රහාරයක් ගැන ජාත්‍යන්තර අවධානය

දකුණු ගාසා තීරයේ රෆා නගරයට ඊශ්‍රායලය එල්ල කළ ප්‍රහාරවලින් කුඩා ළමයින් 18 දෙනෙකු ඇතුලු පුද්ගලයින් 22ක් ජීවිතක්ෂයට පත්වී තිබෙනවා.

Read More »

නොදැනුවත්කම නිසා දඬුවම් ලැබිය හැකි නීතියක් ගැන දැනුවත් කිරීමක්

ඔස්ට්‍රේලියානු නීතියට අනුව වයස අවුරුදු 18ට අඩු දරුවන් සඳහා ද ස්වාධීන අයිතීන් ව්‍යවස්ථාපිතව ලබා දී තිබෙන බව නීතිඥ මදූ වර්ණකුලසූරිය පවසනවා.

Read More »