රාත්‍රී නින්දට පෙර ඡංගම දුරකතන හෝ ඩිජිටල් තිර භාවිතය මගින් අධික ආලෝකයට නිරාවරණය වීම මානසික සෞඛ්‍යයට බලපෑම් ඇති කරන බව නවතම සමීක්ෂණයකින් හෙළිව තිබෙනවා.
පුද්ගලයින් අසූ දහසක් යොදා ගනිමින් ආලෝකය, නින්ද, මානසික සෞඛ්‍ය සහ ශාරීරික ක්‍රියාකාරකම් යන කාරණා සැලකිල්ලට ගනිමින් මොනෑෂ් විශ්ව විද්‍යාලය විසින් මෙම අධ්‍යයනය සිදු කර තිබුණා.
එහිදි අනාවරණය වී ඇත්තේ ස්වභාවික ආලෝකය තුළ ව්‍යායාම් වල නිරත වන පුද්ගලයින්ගේ කායික මෙන්ම මානසික සෞඛ්‍ය ඉතා හොඳ මට්ටමක පවතින බවයි.
පුද්ගලයින් ආලෝකයට නිරාවරණය වන ආකාරය අනුව මානසික සෞඛ්‍යයට ප්‍රබල බලපෑමක් එල්ල වන බව මොනෑෂ් පර්යේෂකයන් වැඩිදුරටත් පෙන්වා දී තිබෙනවා.
ආලෝකය මානසික සුවයේ මුලික අංගයක් වන අතර දවසේ වැඩි කාලයක් ස්ව’භාවික ආලෝකය තුළ කටයුතු කිරීම වාඩාත් යහපත් බවයි අධ්‍යයන කණ්ඩායමේ ප්‍රධානී මහාචාර්ය ඇන්ඩෲ පිලිප් සඳහන් කර ඇත්තේ.
රාත්‍රී කාලය තුළ ස්මාට් දුරකථන භාවිතය මගින් කෘත්‍රීම ආලෝකයට නිරාවරණය වීම ජාන විකෘති තත්වයන්ට ද බලපෑම් එල්ල කරනු ඇති බවයි මෙහිදී අනාවරණය වූයේ.
