අමතර ගුවන් වාර සඳහා කටාර් ගුවන් සේවය විසින් කරනු ලැබූ ඉල්ලීම ෆෙඩරල් රජය විසින් ප්‍රතික්ෂේප කර ඇත්තේ ක්වන්ටාස් ගුවන් සේවයේ බලපෑම මත බවට අදාළ සෙනෙට් කමිටුව විසින් නිගමනය කර තිබෙනවා.
සිය පළමු වාර්තාව නිකුත් කරමින් ඔවුන් පෙන්වා දී ඇත්තේ ගුවන් ගාස්තු ඉහළ අගයක් ගත්තද ක්වන්ටාස් ගුවන් සේවය සතු වෙළඳපොළ ඒකාධිකාරිය රැකගැනීම රජයේ අපේක්ෂාව වී තිබු බවයි.
රජයේ තීරණය නැවත සළකා බැලීමද ඇතුලුව සෙනෙට් කමිටුව විසින් ඊයේ දිනයේදී නිර්දේශ 10 ක් නිකුත් කරනු ලැබුවා.
ස්වදේශික හඩ ජනමත විචාරණයේදී රජයට සහය ලබාගැනීම වෙනුවෙන් ක්වන්ටාස් ඉල්ලීම ඉටු කිරීමට ෆෙඩරල් රජය කටයුතු කර ඇති බවටද චෝදනා එල්ල වනවා.
ජනමත විචාරණයේදී රජයේ ස්ථාවරය වන YES ලාංඡනය සිය ගුවන් යානා කිහිපයක ප්‍රදර්ශනය කිරීමටයි ක්වන්ටාස් ගුවන් සේවය පසුගියදා කටයුතු කලේ.
