බෙදා හැරීමට නොහැකි වූ ලිපි හෝ පාර්සල් පිළිබඳ දැනුම් දෙන මුද්‍රිත කාඩ්පත් ක්‍රමය නතර කිරීමට Australia Post විසින් පියවර ගෙන තිබෙනවා.
කඩදාසි භාවිතය අවම කිරීම මෙහි අරමුණ වී ඇති අතර මින් ඉදිරියට අදාළ කාඩ්පත් නිවෙස් වෙත යොමු කිරීම නවතිනු ඇති.
ඒ අනුව අදාළ දැනුම් දීම කේතයක් ලෙසින් මයිපෝස්ට් ඇප්ලිකේෂනය හරහා හෝ විද්‍යුත් තැපෑල මගින් පාරිභෝගිකයින් වෙත දැනුම් දීමටයි Australia Post පියවර ගෙන ඇත්තේ.
රට පුරා (MyPost) මයිපෝස්ට් යෙදුම භාවිත කරන පිරිස මිලියන 12 ඉක්මවා ගොස් තිබෙනවා.
ඒ අනුව දැනුම් දී ඇති තැපැල් මධ්‍යස්ථානය වෙත ගොස් අනන්‍යතාවය තහවුරු කර අදාළ ලිපිය හෝ පාර්සලය ලබා ගැනීමට පාරිභෝගිකයි හට අවස්ථාව හිමිවනවා.
පාර්සලයක් ඇති බවට දන්වා එවන ඝණයට යටත්වන ජාවාරම්ද මේ හරහා ක්‍රියාත්මක වන බැවින් විමසිලිමත් වන ලෙසටයි Australia Post විසින් ජනතාවට දන්වා සිටින්නේ.
