ඕස්ට්‍රේලියානුවන් සතු භාවිතයට නොගන්නා සහ අවශ්‍ය නොවන ඇඳුම්වල වටිනාකම ඩොලර් බිලියන 18.5 කට ආසන්න බවට තක්සේරු කර තිබෙනවා.
මිළදී ගෙන එක් වරක් හෝ භාවිතයට ගෙන නොමැති ඇඳුම් බොහෝ දෙනා සතු අතර එක් අයෙකු සතුව ඇති එවැනි ඇඳුම්වල වටිනාකම ඩොලර් 952 කට ආසන්න බවයි පැවසෙන්නේ.
පවතින ආර්ථික තත්වය හමුවේ අවශ්‍යතා ඇති පුද්ගලයින් සදහා මෙවැනි ඇදුම් බෙදා දීමට සැලසුම් කර තිබෙනවා.
අවශ්‍යතා ඇති ඕස්ට්‍රේලියානුවන්ට හට අදාළ ඇඳුම් පරිත්‍යාග කිරීමට රතු කුරුස සංවිධානය හා සම්බන්ධවීමට විවිධ පාර්ශව මේ වන විටත් එකගවී අවසන්.
එහි මූලික අධියර ලෙස ලබන 21 වන දින නොමිලේ ඇදුම් බෙදා හැරීමේ වැඩපිළිවෙලක් උබර් ආයතනය සමග ඒකාබද්ධව ක්‍රිාක්මකයි.
ඒ අනුව ඇඩිලේඩ් – බ්‍රිස්බන් – මෙල්බර්න් – පර්ත් සහ සිඩ්නි යන නගරවල පවතින රතු කුරුස මධ්‍යස්ථාන වෛත උබර් සේවා හරහා නොමිළයේ ඇදුම් පරිත්‍යාග කිරීමට හැකියාව පවතිනවා.
පිරිසිදු සහ භාවිත කල හැකි තත්වයේ පවතින ඇදුම් ආයිත්තම් පරිත්‍යාග කිරීමට කැමති පිරිස් වෙත මේ සදහා දායක වන ලෙසයි රතුකුරුස සංවිධානය දන්වා සිටින්නේ.
