
2026 වසරේ වික්ටෝරියා ප්රාන්තයේ පැවැත්වීමට නියමිතව තිබූ පොදු රාජ්ය මණ්ඩලීය ක්රීඩා උළෙල අවලංගු කිරීමට පෙර එහි වියදම දෙගුණයකින් ඉහළ යන බව වත්මන් ප්රාන්ත අගමැතිනී ජසින්ටා ඇලන් මාස ගණනකට පෙර සිටම දැන සිටි බවට චෝදනා එල්ල වනවා.
ක්රීඩා උළෙල අවලංගු කිරීම සම්බන්ධයෙන් පැවැත්වෙන පාර්ලිමේන්තු විමර්ශනයේ පළමු දින සාක්ෂි විභාගයේදීයි එය තහවුරු වී ඇත්තේ.
මෙම ක්රීඩා උළෙල සඳහා පළමුවෙන් සකස් කල අයවැය ලේඛනයට අනුව වියදම ඩොලර් බිලියන 2.6 ක් ලෙස පැවතුණා.

කෙසේවෙතත් එය ඩොලර් බිලියන 07 ක් දක්වා ඉහළ යනු ඇති බවට පසුගිය මාර්තු මාසයේදීම පාලක ලේබර් පක්ෂ ඇමති මණ්ඩලය විසින් දැන සිටි බවටයි චෝදනා එල්ල වන්නේ.
එහෙත් ජූනි 13 දා පැවති පාර්ලිමේන්තු අයවැයට එක්වෙමින් ජසින්තා ඇලන් සඳහන් කර තිබුණේ පොදු රාජ්ය මණ්ඩලීය ක්රීඩා උළෙල පැවැත්වීමට අදාළ සියලූ කටයුතු හොදින් සිදුවන බවයි.

එවැනි ප්රකාශ සිදු කරමින් පාර්ලිමෙන්තුව සහ මහජනතාව නොමග යැවීමට ඇය කටයුතු කල බවටයි විපක්ෂය විසින් චෝදනා එල්ල කර ඇත්තේ.
ක්රීඩා උළෙල අවලංගු කිරීම සම්බන්ධයෙන් විගණකාධිපති පරීක්ෂණයක් ද මේ වන විට ආරම්භ කර තිබෙනවා.