ඩොලර් මිලියන 40 ක වටිනාකමකින් යුත් කොකේන් මත්ද්‍රව්‍ය කිලෝ ග්‍රෑම් 100 ක් සමග සැකකරුවන් 05 දෙනෙකු සිඩ්නි හිදී අත්අඩංගුවට ගෙන තිබෙනවා.
ඉන් දෙදෙනෙකු සිඩ්නි ජාත්‍යන්තර ගුවන් තොටුපලේ භාණ්ඩ මෙහෙයවීම්වල නිරත සේවකයන් බවයි පොලිසිය සඳහන් කලේ.
අදාළ කොකේන් තොගය පසුගිය සෙනසුරාදා දකුණු අප්‍රිකාවේ සිට මෙරටට පැමිණි භාණ්ඩ ප්‍රවාහන ගුවන් යානයක ගබඩා පර්යන්ත බහලූමක ඉතා සූක්ෂම ලෙස සගවා රැගෙනවිත් තිබුණා.
එහිදී ගුවන් තොටුපළ සේවකයන් දෙදෙනා විසින් එම කොකේන් තොගය ගුවන් තොටුපලින් පිටතට රැගෙනවිත් මෝටර් රථයක සිටි 24 හැවිරිදි තරුණයෙකුට ලබා දෙන අවස්ථාවේදීයි අත්අඩංගුවට ගැනීම සිදුකර තිබුණේ.
මෙම ජාවාරමේ ප්‍රධාන සැකකරු වන 42 හැවිරිදි අයෙකු සහ තවත් අයෙකු ද පසුව අත්අඩංගුවට ගෙන තිබුණා.
අවුරුදු 24 ත් 62 ත් අතර වියෙහි පසුවන සැකකාර ඔස්ටේ්‍රලියානුවන් 05 දෙනාම සැකකරුවන් අධිකරණය වෙත යොමු කිරීමෙන් අනතුරුව ලබන නොවැම්බර් 30 වන දා තෙක් රක්ෂිත බන්ධනාගාර කර තිබෙනවා.
සිද්ධිය සම්බන්යෙන් ඔවුන් වරද කරුවන් වුවමොත් ජීවිතාන්තය දක්වා සිරදඩුවමට යටත් වනු ඇති.
