මෙතෙක් නොගෙවූ NSW නිරෝධායන හෝටල් ගාස්තු බැංකු ගිණුම්වලින් කපා ගනී

කොවිඩ් සමයේ නිරෝධායන හෝටල් ගාස්තු සඳහා මෙතෙක් ගෙවා නොමැති මුදල් අය කරගැනීමට නිවු සවුත් වේල්ස් ප්‍රාන්ත රජය විසින් දැඩි පියවරක් අනුගමනය කරමින් සිටිනවා.

ඒ අනුව මෙතෙක් අදාළ මුදල් ගෙවා නොමැති පුද්ගලයන්ගේ බැංකු ගිණුම්වලින් ඩොලර් 3,000 ක එම ගාස්තුව කපා ගැනීමටයි කටයුතු යොදා ඇත්තේ.

කොවිඩ් සමයේ නිරෝධායන පහසුකම් ලබාගත් පුද්ගලයන් 17,000 ක් පමණ තවමත් අදාළ ගාස්තු ගෙවා නොමැති බවයි පැවසෙන්නේ.

ඒ අනුව ඩොලර් මිලියන 50 කට ආසන්න මුදලක් නිවු සවුත් වේල්ස් ප්‍රාන්ත රජයට අයවීමට නියමිතව පවතින බවටයි තක්සේරු කර ඇත්තේ.

මේ අතර සිය අනුමැතියකින් තොරව බැංකු ගිණුමෙන් මුදල් අයකර ගැනීම සම්බන්ධයෙන් නිවු සවුත් වේල්ස් ප්‍රාන්තවාසීන් විසින් චෝදනා නගා තිබෙනවා.

කෙසේවෙතත් ප්‍රාන්ත අගමැති ක්‍රිස් මින්ස් එම ක්‍රියාව සාධාරණීකරණය කරමින් පවසා ඇත්තේ වසර 03 කට ආසන්න කාලයක් පුරා සිදුකල දැනුව්ත් කිරීම්වලින් අනතුරුව මෙම මුදල අයකර ගැනීමට කටයුතු කල බවයි.

රජයට අයවිය යුතු මුදල් නොමැතිව අත්‍යවශ්‍ය සේවා පවත්වාගෙන යාම දැඩි අසීරු බවද ඔහු කියාසිටියා.

පොලිසියෙන් බව කියන දුරකථන ඇමතුමක් ගැන NSW ජනතාවට උපදෙසක්

නිව් සවුත්වේල්ස් පොලිස් ස්ථානයෙන් යැයි පවසමින් ලැබෙන ව්‍යාජ දුරකථන ඇමතුමක් පිළිබඳ ජනතාවට අනතුරු ඇඟවීමක් නිකුත් කර තිබෙනවා

Read More »

මෙල්බන් සහ සිඩ්නි අවට අඩු මුදලට නිවසක් සොයන අයට පණිවුඩයක්

සතියකට ඩොලර් 350 කට හෝ ඊට අඩු මුදලකට කුලියට ගත හැකි කුලී දේපල සහිත ප්‍රදේශ කිහිපයක් සම්බන්ධයෙන් නව අනාවරණයක් සිදු කර තිබෙනවා.

Read More »

ඔස්ටෙලියාවේ රැකියා කරන අයට බදු කාර්යාලයෙන් දැනුම්දීමක්

තම superannuation හැකි සෑම අවස්ථාවකම පරීක්ෂා කර බලන ලෙසට ඔස්ට්‍රේලියාවේ රැකියාවල නිරත වූවන්ගෙන් බදු කාර්යාලය ඉල්ලීමක් කර තිබෙනවා.

Read More »

වික්ටෝරියානුවන් දහස් ගණනකගේ පෞද්ගලික තොරතුරු සයිබර් ප්‍රහාරකයෙකුගේ අතට

වික්ටෝරියා ප්‍රාන්ත පරිසර ආරක්ෂණ අධිකාරියේ (EPA) බාහිර සම්බන්ධතා මධ්‍යස්ථානයේ පරිගණක පද්ධතිය සයිබර් ප්‍රහාරයකට ලක්වීම හේතුවෙන් විශාල පිරිසකගේ පුද්ගලික දත්ත වෙනත් පාර්ශවයක් විසින් ලබාගෙන ඇතැයි අනාවරණ වී තිබෙනවා.

Read More »