ඕස්ට්‍රේලියානු රජය සහ ක්වීන්ස්ලන්ත විශ්ව විද්‍යාලය අතර පැවැති COVID-19 එන්නත් ගනුදෙනුව අවසන්!
ඕස්ට්‍රේලියානු රජය ක්වීන්ස්ලන්ත විශ්ව විද්‍යාලය (UQU) සහ ගෝලීය ජෛව තාක්‍ෂණ සමාගමක් වන CSL හි විභව COVID-19 එන්නත සමඟ ඇති ඩොලර් බිලියන 1 ක ගනුදෙනුව අවලංගු කර ඇත. මෙයට හේතු වී ඇත්තේ මෙම COVID-19 එන්නත ව්‍යාජ ධනාත්මක HIV පරීක්ෂණ ප්‍රතිඵල ලබා දුන් නිසා ඒ පිළිබඳ මහජන විශ්වාසය අඩපණ වේ යැයි රජය විශ්වාස කරන බැවිනි.
විශේෂඥ සෞඛ්‍ය උපදෙස් අනුව කැබිනට් මණ්ඩලයේ ජාතික ආරක්ෂක කමිටුව විසින් මෙම ගනුදෙනුව අවසන් කිරීමේ ගිවිසුම අත්සන් කරන ලදී.
කොරෝනා වෛරස් වසංගතයට එරෙහි සටනේදී රජය අපේක්ෂා කළ එන්නත් හතරෙන් ක්වීන්ස්ලන්ත විශ්ව විද්‍යාලය සංවර්ධනය කරන ලද මෙම කොරෝනා එන්නත වේ.
මෙම ගනුදෙනුව අත්හැර දැමීමට පෙර ඕස්ට්‍රේලියා රජය විසින් එන්නත මාත්‍රාව මිලියන 50 කට වඩා මිලදී ගැනීමට එකඟ වී තිබේ.
ඕස්ට්‍රේලියාවේ එන්නත් සැළැස්මේ කොටසක් ලෙස UQ-CSL තවදුරටත් නොපවතින බව අගමැති ස්කොට් මොරිසන් තහවුරු කළේය.
“අපට ලැබී ඇති උපදෙස් සහ කැබිනට් මණ්ඩලයේ ජාතික ආරක්ෂක කමිටුව මේ සතියේ රැස්වී අවසන් තීරණය ගනු ලැබුවේ ක්වීන්ස්ලන්ඩ් විශ්ව විද්‍යාලයේ එන්නත විද්‍යාත්මක උපදෙස් මත පදනම්ව ඉදිරියට යාමට නොහැකි වනු ඇතැයි” මොරිසන් පැවසීය.
ඕස්ට්‍රේලියාව දැන් ඇස්ට්‍රාසෙනෙකා සහ නොවාවාක්ස් එන්නත් නිෂ්පාදන මිලදී ගැනීම වැඩි කරනු ඇත.
ඇස්ට්‍රාසෙනෙකා එන්නත සැපයීම මිලියන 33.8 සිට මිලියන 53.8 දක්වා ඉහළ යනු ඇති අතර, නොවාවාක්ස් මිලදී ගැනීම මිලියන 40 සිට මිලියන 51 දක්වා ඉහළ යනු ඇත.
(9News)
