මෙල්බන් ගංවතුර පාලන කමිටු වාර්තාව ප්‍රසිද්ධ කෙරේ

weather flood rain

මෙල්බන් ගංවතුර පාලනය කිරීමේ අරමුණින් ජලනල පද්ධතිය ප්‍රතිසංස්කරණය කිරීමට වික්ටෝරියා ප්‍රාන්ත බලධාරීන් පියවර ගෙන තිබෙනවා.

පසුගිය වසරේ ජල ගැලීම් සමග ගංගා පිටාර ගැලීමෙන් නිවාස 500 ක් පමණ මුලූමනින්ම ජලයෙන් යටවුණා.

ප්‍රදේශවාසීන් චෝදනා නගන්නේ ආපදා අනතුරු ඇගවීමේ සංඥා නිකුත්වීම ප්‍රමාද වීම ඊට හේතුවු බවයි.

ඒ සම්බන්ධයෙන් අධ්‍යයනය කිරීමට හිටපු ශ්‍රේෂ්ඨාධිකරණ විනිසුරුවරයෙකුගේ ප්‍රධානත්වයෙන් ස්වාධීන කමිටුවක් පත් කිරීමටයි බලධාරින් පියවර ගනු ලැබුවේ.

ඒ අනුව නිර්දේ’ශ 15 කින් සමන්විත කමිටු වාර්තාවක් මේ වනවිට ප්‍රකාශයට පත් කර තිබෙනවා.

අදාළ නිර්දේශවලට අනුකූලව වික්ටෝරියා ප්‍රාන්තය පුරා නව ජලනල පද්ධතියක් ස්ථාපිත කිරීමට අදාළ නව ආකෘතියක් ඉදිරිපත් කර තිබීම ද විශේෂත්වයක්.

එමගින් ආපදා තත්වයන් ඇතිවීමට පෙර වඩාත් නිරවද්‍ය තොරතුරු ලබා ගැනීමට මහජනතාවට අවස්ථාව හිමිවනු ඇති.

පැය 06 කට වඩා වැඩි වර්ෂාපතනයක් වාර්තාවන අවස්ථාවලදී නිසි තොරතුරු හුවමාරු කරගැනීම විධිමත් කිරීම සම්බන්ධයෙන් ද මෙහිදී අවධානය යොමුකර තිබෙනවා.

පැරණි ජලනල පද්ධතියේ තාක්ෂණික දෝෂ මගහරවා ගත යුතු බවයි වැඩිදුරටත් අවධාරණය කෙරෙන්නේ.

රටවල් කිහිපයක සිටින ඔස්ට්‍රේලියා පුරවැසියන්ට විශේෂ දැනුම්දීමක්

ඉරානය, ඊශ්‍රායලය සහ පලස්තීනයේ ගැටුම් පවතින ප්‍රදේශවල සිටින ඔස්ට්‍රේලියානුවන්ට රජය විසින් ආරක්‍ෂිත උපදෙස් නිකුත් කර තිබෙනවා.

Read More »

ඉරානයේ ප්‍රහාරයට ඊශ්‍රායලයෙන් ප්‍රති ප්‍රහාරයක්

ඉරානයේ න්‍යෂ්ටික බලාගාර කිහිපයක්ම ඇති නගරයකට ඊශ්‍රායලය විසින් මිසයිල ප්‍රහාරයක් එල්ලකර ඇති බව විදෙස් මාධ්‍ය වාර්තා කර තිබෙනවා.

Read More »

රුසියාවේ ආක්‍රමණයට එරෙහිව ඔස්ට්‍රේලියාවෙන් යුක්රේනයට සහනයක්

රුසියාව විසින් යුක්‍රේනය ආක්‍රමණය කිරීමට විරෝධය දැක්වීමේ පියවරක් ලෙස ඔස්ට්‍රේලියානු රජය යුක්රේන භාණ්ඩ සඳහා තීරු බදු සහන දීර්ඝ කිරීමට තීරණය කර තිබෙනවා.

Read More »