ජනමත විචාරණයේ දී යෝජනාවට පක්ෂව කටයුතු කරන Yes23 ප්‍රචාරණ ව්‍යාපාරයට ජාතික මැතිවරණ කොමිසම විසින් අවවාදයක් නිකුත් කර තිබෙනවා.
ඒ අනුව මැතිවරණ කොමිසමේ නිල ලාංඡනයෙහි ඇතුළත් දම් සහ සුදු පැහැයන් ප්‍රචාරණ කටයුතුවලදී භාවිතයට ගැනීමෙන් වළකින ලෙසටයි ඔවුන්ට දන්වා ඇත්තේ.
ජනමත විචාරණයේ පූර්ව ඡන්ද ප්‍රකාශ කිරීම සියලුම ප්‍රාන්තවල මේ වනවිට ක්‍රියාත්මකයි.
ඇතැම් ඡන්ද මධ්‍යස්ථාන අසල Yes23 ප්‍රචාරණ ව්‍යාපාරය විසින් තබා තිබූ පුවරු, මැතිවරණ කොමිසම විසින් තබන ලද ඒවා බවට ඡන්ද දායකයන් විසින් වරදවා වටහාගනු ලැබීම මීට හේතුවයි.
තම දැනුම්දීම මත ඡන්ද මධ්‍යස්ථාන අසළ සිට සැළකිය යුතු දුරකින් සිය ප්‍රචාරණ පුවරු ස්ථානගත කරන බවටයි Yes23 සංවිධානය විසින් සහතික වී ඇත්තේ.
