නීති විරෝධී මත්ද්‍රව්‍ය භාවිතය සම්බන්ධ සමුලූව කඩිනමින් පවත්වන්නැයි විවිධ පාර්ශව නිව් සවුත් වේල්ස් ප්‍රාන්ත බලධාරීන්ට බලපෑම් කර තිබෙනවා.
සිඩ්නි නුවර පැවති සංගීත ප්‍රසංගයක් අතරතුර අධික ලෙස මත්ද්‍රව්‍ය පානය කල 20 හැවිරිදි වියෙහි පසුවූ තරුණයන් දෙදෙනෙකු මියයෑමත් සමගයි මේ පිළිබඳ දැඩි කතා බහක් මතුවී ඇත්තේ.
මත්ද්‍රව්‍ය පානය කිරීමෙන් අනතුරුව ආසාත්මිකතා ඇති වු පුද්ගලයින් 09 දෙනෙකු ද වෛද්‍ය ප්‍රතිකාර සදහා යොමු කර ඇති බවයි මාධ්‍ය වාර්තා සදහන් කර ඇත්තේ.
නිවු සවුත් වේල්ස් ප්‍රාන්ත රජය මත්ද්‍රව්‍ය සමුලූවක් පැවැත්වීමට සැළසුම් කර ඇතත් ඒ සම්බන්ධ ස්ථිර දිනයක් මෙතෙක් ප්‍රකාශයට පත්කර නැහැ.
මෙම සමුලූව යටතේ ඖෂධ ප්‍රතිපත්ති සම්බන්ධයෙන් සමාලෝචනය කිරීමට ද නියමිතයි.
ඒ අනුව කඩිනමින් නීති විරෝධී මත්ද්‍රව්‍ය භාවිතය වාරන කිරීමට පියවර ගන්නා ලෙසයි විවිධ පාර්ශව ප්‍රාන්ත රජයෙන් ඉල්ලා ඇත්තේ.
