ක්වීන්ස්ලන්ඩ් ප්රාන්තයේ නව නිවාස හා ගොඩනැගිලි ඉදිකිරීම් සඳහා වන නව රෙගුලාසි මාලාව අද සිට බලාත්මකවීමට නියමිතයි.
ඒ අනුව අදාල ඉදිකිරීම් වෙත ප්රවේශ වීමේදී ආබාධිත ජනතාවට ඇති පහසුකම් මෙන්ම බලශක්ති පිරිවැය ආරක්ෂා කිරීම ඇතුලූ නිර්ණායක රැසකින් එම රෙගුලාසි මාලාව සමන්විත වනවා.
දැනට අවසර දෙනු ලබන්නේ තරු ශ්රේණ්ත කිරීම්වල 6/10 ක් ලෙස වන නමුත් ලබන වසරේ මැයි මස සිට බලශක්ති තරු පන්ති ශ්රේණිගත කිරීම් 10 න් 7 ක් ලබාගැනීම අනිවාර්යයි.
වික්ටෝරියා – දකුණු ඔස්ටේ්රලියා සහ නිවු සවුත් වේල්ස් ඇතුළු අනෙකුත් ප්රාන්තවල නව ගොඩනැගිලි සඳහා ද ලබන වසරේ සිට මේ හා සමගාමීව නව රෙගුලාසි ලබන වසරේ සිට හඳුන්වාදීමට නියමිතයි.
කෙසේවෙතත් ඉදිකිරීම් කර්මාන්තයේ නිරතවන්නන් පෙන්වා දෙන්නේ මෙම රෙගුලාසි හරහා නව ඉදිකිරීම් සඳහා වන පිරිවැය ඉහළ අගයක් ගනු ඇති බවයි.
ඒ හරහා දැනට කඩාවැටී ඇති ඉදිකිරීම් ක්ෂේත්රයට අනවශ්ය බලපෑමක් එල්ල වන බවත් ඔවුන් සඳහන් කර සිටිනවා.
