ක්වීන්ස්ලන්ඩ් අන්තිම කැමති පත්‍ර නීති දැඩි කෙරේ

ක්වීන්ස්ලන්ඩ් ප්‍රාන්තයේ මියගිය පුද්ගලයන්ගේ උරුමය දරුවන්ට පැවරීම සම්බන්ධ නීති සංශෝධනය කිරීමට ප්‍රාන්ත රජය පියවර ගෙන තිබෙනවා.

ඒ අනුව වටිනාකම ඩොලර් දෙලක්ෂ පනස්දහසකට අඩු පැවරීමකින් තොර වත්කම් සදහා ඉල්ලූම් කිරීමේ අයිතිය දරුවන්ට හිමිවන්නේ නැහැ.

මියගිය පුද්ගලයාගේ දේපල තම දරුවන් – යැපෙන්නන් සහ කලත්‍රයන් හට පවරාගැනීම සදහා ඉල්ලූම් කිරීමේ හැකියාව මෙතෙක් පැවති අතර නව නීති යටතේ එම රෙගුලාසි දැඩි කර තිබෙනවා.

ක්වීන්ස්ලන්ඩ් ප්‍රාන්ත නිතීපතිවරයා සදහන් කළේ වටිනාකම ඩොලර් 250,000 ට අඩු වත්කම් සදහා පවුලේ සාමාජිකයින් හට ඉල්ලූම් කිරීමට කිසිසේත් හැකියාවක් නොමැති බවයි.

කෙසේ වෙතත් ආබාධිත, වයස අවුරුදු 18 ට අඩු සහ මියගිය පුද්ගලයාගෙන් යැපෙන වයස අවුරුදු 25 ට අඩු තැනැත්තන් සඳහා එම නව නීති බලාත්මක වන්නේ නැහැ.

මේ අතර අවසන් කැමැති පත්‍ර සංශෝධනයේදි සහ සහකරු හෝ සහකාරිය වෙනස් කිරීමේ සංශෝධන ගාස්තු වැඩි කිරීමටද ක්වීන්ස්ලන්ඩ් ප්‍රාන්ත රජය විසින් තීරණය කර තිබෙනවා.

උරුම පවරා ගැනීමේ ක්‍රියාදාමය සඳහා වන වියදම් පාලනය කිරීමේ අරමුණින් මෙම නීති ප්‍රතිසංස්කරණය කල බවයි ක්වීන්ස්ලන්ඩ් බලධාරීන් පෙන්වා දෙන්නේ.

මියගිය පුද්ගලයකුගේ දේපල කැමැත්තකින් තොරව තවත් කෙනෙකුට පවරා දීමට ඉඩ නොදිය යුතු බවයි ප්‍රාන්ත රජය අවධාරණය කර ඇත්තේ.

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »