සති අන්තයේ සිඩ්නි – මෙල්බන් දැඩි උණුසුමෙන් NRL – AFL අවසන් තරග සඳහා බලපෑමක්

සති අන්තයේදී සිඩ්නි සහ මෙල්බන් නගරවලට බලපෑ හැකි දැඩි උණුසුම් කාළගුණය, NRL සහ AFL ක්‍රීඩා තරගාවලි අවසන් තරග සඳහා බලපෑම් එල්ලකරනු ඇති බවට අනාවැකි පළවනවා.

Penrith Panthers සහ Brisbane Broncos කණ්ඩායම් අතර NRL අවසාන මහා තරගය ලබන ඉරිදා සිඩ්නි ඔලිම්පික් පාර්ක් ක්‍රීඩාංගණයේදී පැවැත්වීමට නියමිතයි.

එදින සිඩ්නි නගරයේ උෂ්ණත්වය සෙල්සියස් අංශක 30 ඉක්මවා යනු ඇති බවටයි කාළගුණ විද්‍යා කාර්යාංශය අනතුරු අගවා සිටින්නේ.

Collingwood Magpies සහ Brisbane Lions කණ්ඩායම් අතර AFL අවසන් මහා තරගය මෙල්බන් ක්‍රිකට් ක්‍රීඩාංගණයේදී පැවැත්වෙන්නේ ලබන සෙනසුරාදා දිනයේදීයි.

එදින මෙල්බන් උෂ්ණත්වය අංශක 26 ත් 30 ත් අතර පැවතිය හැකි බවටයි පුරෝකථනය කර ඇත්තේ.

වසර ගණනාවකට පසු මෙම තරග 02 හිම අවසාන මහා තරග පවත්වන දිනවල ඉහළම උෂ්ණත්වයන් මෙම සති අන්තයේදී පවතිනු ඇති බවට අනාවැකි පළවනවා.

මේ අතර ඉදිරි මාස 07 තුල වාර්තාගත උණුසුම් අධික තත්වයකට ඔස්ට්‍රේලියාව මුහුණු දෙනු ඇති බවට කාළගුණ අංශ අනතුරු අගවා තිබෙනවා.

එල්නිනෝ කාළගුණික වෙනස්වීමත් සමග ඔක්තෝබර් සිට එළඹෙන අප්‍රේල් මස දක්වා මෙම තත්වය පවතිනු ඇති.

අධික උණුසුම, නියගය, සුළි සුලං මෙන්ම ලැව්ගිණි ආදි ආපදා තත්වයන්ට එම කාල පරිච්ඡේදය තුලදී මුහුණ දීමට සිදුවනු ඇතැයි කාළගුණ අංශ නිවේදනය කර තිබෙනවා.

මෙතෙක් රට තුළ වාර්තා වූ ඉහළතම උෂ්ණත්වය 1910 වසරේ සටහන්වු සෙල්සියස් අංශක 50.7 ක අගය වන අතර එම වාර්තා යළිත් අලූත් විය හැකි බවයි කාළගුණ අංශ අනතුරු අගවා ඇත්තේ.

මෙල්බන් ජනතාවගේ ජීවිත ගැන හිතාගන්න බැරි කතාවක්

ලෝකයේ ජීවත් විය හැකි නගර ලැයිස්තුව අතරින් පෙරමුණේ පසුවන මෙල්බන් නගර වැසියන්ගේ සාමාන්‍ය ජන ජීවිතයේ ගුණාත්මක භාවය නරක අතට හැරෙමින් ඇතැයි නව වාර්තාවක් මගින් අනාවරණ වී තිබෙනවා.

Read More »

සතියක් ඇතුලත ශ්‍රී ලංකාවේ මන්ත්‍රීවරුන් 3ක් රිය අනතුරුවල

සමගි ජන බලවේගයේ පාර්ලිමේන්තු මන්ත්‍රී තිස්ස අත්තනායක ගමන් ගත් සුඛෝපභෝගී ජීප් රථය ඊයේ (17) රාත්‍රියේ ජාවත්ත මාර්ගයේ සළුසල ඉදිරිපිටදී අනතුරට ලක් වී තිබෙනවා.

Read More »

ඔස්ට්‍රේලියානු යුවළකගේ දිවි අහිමි කළ සැකකරු ගැන අලුත් අනාවරණයක්

පිලිපීනයේ හෝටලයකදී ඔස්ට්‍රේලියානු පුරවැසියන් වන යුවළක් ඝාතනය කළ බවට සැක කෙරෙන පුද්ගලයා එම හෝටලයේ හිටපු සේවකයෙක් බවට අනාවරණ වී තිබෙනවා.

Read More »