වෛද්‍ය අනුමැතිය නොමැතිව, ගැබ් ගැනීම් වළක්වන පෙති නිර්දේශ කිරීමේ බලතල නිවු සවුත් වේල්ස් ප්‍රාන්තයේ ඔසුසැල් හිමියන්ටද ලබාදීමේ නියමු ව්‍යාපෘතියක් ආරම්භ කර තිබෙනවා.
ප්‍රාන්තය පුරා ඔසු සැල් 900 ක මෙම වැඩපිළිවෙල ආරම්භ කර ඇත්තේ ක්වීන්ස්ලන්ඩ් ප්‍රාන්තය තුළ පෙරේදා දිනයේදී ආරම්භ කල නියමු වැඩසටහන හා සමගාමීවයි.
මේ අනුව අවුරුදු 18 ත් 35 ත් අතර කාන්තාවන්ට වෛද්‍යවරයෙකු වෙත යාමෙන් තොරව අදාළ පෙති මිළදී ගැනීමට අවස්ථාව උදාවනු ඇති.
කෙසේවෙතත් ඖෂධ නිකුත් කිරීමට පෙර කාන්තාවන්ගේ රුධිර පීඩනය මැන බැලීම අනිවාර්ය වනවා.
කිසියම් අයෙකුගේ රුධිර පීඩනය නියමිත සීමාව තුළ නොමැති නම් වෛද්‍යවරයෙකු වෙත යොමුකල යුතුයි.
මේ හරහා නිවු සවුත් වේල්ස් කාන්තාවන් විශාල පිරිසකට සැළකිය යුතු සහනයක් අත්වනු ඇති බවටයි අනාවැකි පළවන්නේ.
