මෙවර ග්‍රීෂ්ම සෘතුවේදී ඇතිවිය හැකි ලැව් ගිනි සඳහා ෆෙඩරල් රජය සාර්ථකව මුහුණදීමට සූදානම් බව ආපදා කළමණාකරණ අමාත්‍ය මරේ වොට් පවසනවා.
ඒ අනුව හෙට සහ අනිද්දා දෙදින කැන්බරා හිදී පැවැත්වෙන ජාතික ලැව්ගිනි සූදානම් සමුලුව සඳහා සංවිධාන 200 කට ආසන්න සංඛ්‍යාවක් කැඳවා ඇති බවයි ඔහු සඳහන් කලේ.
2019-2020 වසරවලදී ඇතිවු දරුණු ලැව්ගිනි තත්වයකට පත් නොවීම සඳහා මෙම පියවර ගැනීමට නියමිතයි.
නිවු සවුත් වේල්ස් සහ ක්වීන්ස්ලන්ඩ් හි ප්‍රදේශ රැසකට මෙවර ලැව්ගිනි අවධානම ඉහළ මට්ටමකයි පවතින්නේ.
ජීවිත සහ දේපළ හානි අවම කරගැනීම පිළිබඳ මූලිකම අවධානය යොමුකර ඇති බවයි ආපදා කළමණාකරණ අමාත්‍ය මරේ වොට් සඳහන් කලේ.
