පාසැල් නිවාඩු ආරම්භවීමත් සමග ගුවන් තොටුපල තුල මෙන්ම ඒ ආශ්‍රිත මහා මාර්ග වල දැඩි තදබදයක් ඉදිරි දිනවලදී පැවතිය හැකි බවට සිඩ්නි වැසියන්ට අනතුරු අගවා තිබෙනවා.
සති අන්තය එළැඹීමත් සමග මෙම තත්වයෙහි ඉහළයාමක් අපේක්ෂා කෙරෙන බවටයි රථවාහන අංශ විසින් ජනතාව දැනුවත් කර ඇත්තේ.
මාර්ග තදබද සහ ගුවන් ගමන් ප්‍රමාද සම්බන්ධයෙන් නිකුත් කරන නිවේදන පිළිබද අවධානයෙන් පසුවන ලෙස බලධාරීන් විසින් ජනතාව දැනුවත් කර තිබෙනවා.
ගුවන් තොටුපළට අමතර වේලාවක් ඒ සඳහා වෙන් කරන ලෙසට ද ජනතාවට උපදෙස් ලබා දී තිබෙනවා.
ඔස්ට්‍රේලියානුවන්ගෙන් සියයට 72 ක් පමණ පාසැල් නිවාඩු කාලය තුළ නිවාඩුවක් සඳහා පිටත්ව යාමට සුදානම් බව නවතම සමීක්ෂණයකින් හෙළිව තිබෙනවා.
එම අගය පසුගිය අප්‍රේල් මාසයට සාපේක්ෂව දෙගුණයක පමණ වැඩිවීමක් බවයි වාර්තා වන්නේ.
ඉන් සියයට 36 ක් ප්‍රාන්තයෙන් පිටත සංචාර සඳහා යොමුවීමට කැමැත්තෙන් පසුවන අතර සියයට 26 ක් ප්‍රාන්තය තුළම විවේකීව ගත කරනු ඇති.
සියයට 24 ක කැමැත්ත ගෝල්ඩ් කෝස්ට් වෙත ගමන් කිරීම වන අතර සියයට 12 ක් පමණ විදේශ සංචාර සදහා යොමුවනු ඇති බවටයි අනාවැකි පළවන්නේ.
