ඔස්ට්‍රේලියානුවන් මුහුණදෙන ජීවන වියදම අර්බුදයට විසඳුම් දීමෙන් ලේබර් රජය බැහැර වී නොමැති බව අගමැති ඇන්තනී ඇල්බනීස් අවධාරණය කරනවා.
කෙසේවෙතත් තවත් දින 24 කින් පැවැත්වීමට නියමිත ස්වදේශික හඩ ජනමත විචාරණය ජයග්‍රහාණය කිරීම සදහා මේ දින වල වැඩි බරක් තබා ඇති බවයි ඔහු සඳහන් කර ඇත්තේ.
කෙසේවෙතත් ඇතැම් පාර්ශව චෝදනා නගන්නේ ජනමත විචාරණය සම්බන්ධව රජය වැඩි අවධානයක් යොමු කළ ද ආර්ථික ගැටලු සඳහා පිළියම් සෙවීමට අග්‍රාමාත්‍යවරයා කටයුතු නොකරන බවයි.
ඊට ප්‍රතිචාර දක්වමින් අගමැති ඇල්බනීස් පෙන්වා දී ඇත්තේ වසර 122 ක් පුරා ස්වදේශික ජනතාවට අහිමි වී පැවති අයිතිවාසිකමක් ලබාදීම මෙම යෝජනාවේ අරමුණ බවයි.
ස්වදේශික හඩ ජනමත විචාරණය යනු ජාතිය දෙකඩ කිරීමේ යෝජනාවක් බවටයි විපක්ෂ නායක පීටර් ඩට්න් චෝදනා කරන්නේ.
