ඔස්ට්‍රේලියාව තුළ අසාමාන්‍ය ලෙස උෂ්ණත්වය ඉහළයාමේ තත්වයක් හෙවත් “එල් නිනෝ” තත්වයක් නිල වශයෙන් කාළගුණ විද්‍යා කාර්යාංශය විසින් ප්‍රකාශයට පත් කර තිබෙනවා
ලබන වසරේ මුල් මාස කිහිපය දක්වා අසාමාන්‍ය කාළගුණ විපර්යාස අපේක්ෂා කල හැකි බවටයි එහිදී අනතුරු අගවා ඇත්තේ.
එල් නිනෝ තත්වය ලෝක දේශගුණික රටාවෙන් සියයට 60 කට ආසන්න බලපෑමක් සිදු කරන අතර එහි බලපෑම් වැඩි රාජ්‍යයන් අතරට ඔස්ට්‍රේලියාව ද ඇතුලත්.
ක්වීන්ස්ලන්ඩ් සහ නිව් සවුත් වේල්ස් ප්‍රාන්තවලට මෙහි බලපෑම ඉහළ අගයක පවතින බවටයි කාලගුණ අංශ අනාවැකි පළකර සිටින්නේ.
ඔස්ට්‍රේලියාව තුළදී එල් නිනෝ තත්වයක් නිල වශයෙන් ප්‍රකාශයට පත් කෙරුණේ වසර 08 කට පසුව වීම ද විශේෂත්වයක්.
නිව් සවුත් වේල්ස් සහ ක්වීන්ස්ලන්ඩ් ප්‍රාන්ත තුළ අධික වියලි උණුසුම් කාළගුණයත් සමග සුළි කුණාටු – අකුණු – ලැව් ගිනි අවධානම ඉහළ මට්ටමක පැවතිය හැකි බවටද අනතුරු අගවා තිබෙනවා.
මීට පෙර 2019 සහ 2020 වසරවලදී විනාශකාරී ලැව්ගිනි හේතුවෙන් පුද්ගලයින් 33 දෙනෙකු මිය ගිය අතර නිවාස 3000 ක් පමණ මුලූමනින්ම විනාශ වුණා.
