ඔස්ට්‍රේලියානුවන් මිලියන 05 කට පමණ බලපැවැත්වෙන පරිදි සෞඛ්‍ය රක්ෂණ වාරික ඉහළ දැමීමට රක්ෂණ සමාගම් 05 ක් පියවර ගෙන තිබෙනවා.
ලබන ඔක්තෝබර් පළමුවනදා සිට සියයට 2.9 කින් වාරික ඉහළ දැමීමට නියමිත අතර මේ අනුව වසරකට ඩොලර් 170 කින් පමණ සමස්ත වාරික මුදල් ඉහළ යනු ඇති.
Bupa, NIB, GMHBA, Qantas සහ Frank යන සමාගම් විසිනුයි මෙලෙස රක්ෂණ වාරික වැඩි කිරීමට තීරණය කර ඇත්තේ.
මෙම ඇතැම් සෞඛ්‍ය රක්ෂණ සමාගම් විසින් මීට මාස 06 කට පමණ ඉහතදී මෙම වාරික වැඩි කිරීමට නියමිතව තිබුණද රක්ෂණ හිමියන්ට ලබාදෙන සහනයක් ලෙස එය ප්‍රමාද කෙරුණා.
මේ අතර ආර්ථික විශ්ලේෂකයන් ජනතාවට උපදෙස් දෙන්නේ තමන්ට වඩාත් සුදුසුම සෞඛ්‍ය රක්ෂණාවරණය වෙත යොමුවන ලෙසයි.
